دا كلام يا فانيتي.. تبينها تكف خيرها بعد !!!

لا والله اللي عندها المقدرة انها تبادر بالخير وتعتبر ضرتها مثل اختها ليش لا

وبعدين أنا ماقلت تدحش نفسها.. لأن تدحش معناها ان الزوجة الأخرى ماتبيها ولا تبي تتواصل معها وهذي فارضه نفسها عليها بالقوة.. أنا قلت في حالة أن الزوجة (خل نقول الأولى مثلا) متقبله الزوجة الثانية وتتواصل معها وتعزمها ...................... المفروض ان الزوجة الثانية تقدر هالمبادرة الطيبة وتعامل الزوجة الأولى بالمثل

ما تسمعين ببعض الضراير يصيرون كأنهم خوات ؟

شوفي الزوجتين الأولى والثانية في قصة رائحة البخور واقفات مع بعض في الزواج ويستقبلون المعازيم

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

تكف خيرها قصدت فيه

الخير اللي مقصده تميلح عند الزوج

شوفني عقلي كبير وتروح تشتري هدايا لها ولعياله وتملق مقرف

....................

ليش هالعذاب؟

زمن الضراير الاخوات ولى وانتهى.. حتى جدتي ماقبلت فيه ؛)

لو نتكلم بواقعية احسن مو؟

هذا مو خير.. هذا أمر في ظاهره خير وفي باطنه شر

يعني تهقين مافيه أمل؟

خلاص نبطل نحلم ونستمر في النظر للأمور بواقعية؟

على طاري الواقع.. شفت بعيني زوجة ثانية ماتخاف الله في الأولى بكل ماتعنيه الكلمة من معنى

ما يكفيها انها أخذت الرجال مره وحده من زوجته الأولى وعياله (يبات وياكل ويشرب عندها) وصار مايشوفهم إلا في المناسبات.. كمان زعلت لما شافت المسكينة تعايد على زوجها بالعيد وجن جنونها لما شافت زوجها يسلم على الأولى مع أنه بشكل رسمي جدا (مصافحة وبوسة ع الخد).. تخيلوا جلست اليوم كله ماده البوز شبرين!

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

يلا خذي لك!

هالعينة مو كافي تقولين لها كفي خيرك وشرك عني؟

يا اشغلتني

ايش فايدتك كزوجة من علاقة الاخوة مع ضرتك؟

صحتك الجسدية والنفسية وراحة بالك اهم..

ماراح تنفعك لا هي ولا الزوج ان خسرتيهم