المشاركة الأصلية كتبت بواسطة مبتعثة متفائلة

ليش تستغربون يكون متعبي راسه
بعض الرجال ضعيف شخصيه كلمه توديه وتجيبه
الي صار ان احد قاله اجل وش فايده وظيفتها رايحه جايه
شف حريمنا مطلعات لنا قروض وفاكات لنا السيارات وقايمات بارواحهم
سايقها يوديهاوالشغاله هي تدفعها
قام انهبل قال وهذي مخليها بالبيت بس منكده علي ودني جيبني
وقلبها بمخه قال الا اعاقبها
واساومها على وظيفتها
عاد تدخل اخوك خرب المساله وخطته كلها
ترى على فكره ممكن يطلق بسهوله
تبين نصيحتي
استخيري
ثانيا ما تبغين طلاق
اهتمي باهله مو معقوله ماتنسي تكلمي اهلك وتنسي تكلمي اهله
وحده بوحده كلمتي اهلك كلميهم
زرتي اهلك زوريهم
ماراح تخسري شي
ترى الرجال يقارن حتى لو ما نبهوه اهله هو يحس
ثانيا ماراح اقول اخذي قرض ومن هالكلام
لكن اغني نفسك اختي
الوظيفه من اجل راحتك وراحه بالك
اجيب سواق يقضي كل مشاويري
واجيب شغاله تريحني بالبيت
وانتي ماعندك اطفال مو بحاجه شغاله
واقضي مشاويري مثل الملكه مع سايقي الي بفلوسي
بتقولي وش فايده رجال عندي بالبيت
عاد الشكوى لله يااختك هذا نصيبك وهذي مواصفاته
يا تتطلقين منه ويمكن ويمكن لا يجيك رجال شهم سنع كريم
والرياجيل الحين ما تلقينهم بكل مكان
والصالح والسنع قليل
وكثير حريم قايمات بمصالحهم وامورهم وعيالهم وفاتحات بيوت بعد