الاّراء مختلفه في اخوات مع وأخوات ضد
للأسف مجتمعنا يخلي الزوج و الزوجه حتى قبل الزواج نظرة ان
- الزوج بداله الف زوج لكن الاهل ما يتعوضون ولما يطيح الفاس بالراس ويطلق الرجل زوجته نلقاها تتعذب عذاب قد يطول لسنين وممكن اتذل نفسها وترجع له حتى لو كان الزوج سيّء علشان نظرة المجتمع وحتى نظرة اَهلها لها ك مطلقه والبهدلة معاهم والشواهد كثيره بالمنتدى. في احيان كثيره يكون سبب دمار الزوجه الاهل وتدخلاتهم وايضا الشواهد كثيره بالمنتدى

ما تعتقدون ان مجتمعاتنا بحاجة للتثقيف بموضوع حساس وخطير مثل هذا. حقيقه لمست من خلال بعض ردود الأخوات عل السؤال حاله من الغضب او التحقير للزوج

الموضوع جدا شائك
ماني متخيل زوجتي تقولي مثلا " اقوله الزوج بداله زوج لكن الاب مايتعوض مارح أحرم نفسي من أحضانه عشان تغار "
طيب خنتفرض زوجج قالج " الزوجه بدالها زوجه لكن الام ما اتعرض وما راح احرم نفسي من احضانها علشان اتغارين "

شنو بيكون موقفكم يا اخواتي ؟