بالله عليكي هذا سؤال يا مبتعثة؟

الاحترام ماله دخل أبدا في الحالة الاجتماعية

المحترمه احترمها سواء كانت متزوجه أو غير متزوجه والغير محترمه ليس لها احترام عندي سواء كانت متزوجة أو غير متزوجة

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

امممم يمكن ماعرفت اوصل المعلومه
مزاجي معكر هاليومين
قصدت بالاحترام هاله الاهتمام الي تحيط بالمتزوجهً
يعني
جوك بنتين بنفس العمر
وحده متزوجه وعندها طفل والثانيه لا بنت لسه
من الي بتاخذ الاهتمام بالمجلس
الاولى ولا الثانيه
هي مش قضيه احترام كثر ما هي اهتمام بالاشياء المحيطه بالمتزوجه
شلون زوجك وطفلك وغيره من مواضيع
بينما مواضيع الهوايات وغيره محد يسال
فهمتوا علي

يمكن تقصدين التعامل معها كـ إمرأة ناضجة

أما الغير متزوجة تكون النظره لها ليست كذلك ؟

الله لا يعكر لك مزاج حبيبتي

المتزوجة يمكن تاخذ الاهتمام بمجالس كبار السن اللي أكثر سوالفهم تدور حول الزواج والطلاق والانجاب والنفاس والخلطات اللي تعملها الوحده عشان تحمل وعشان مايطلع لها كرش بعد الولادة هههههههه

لكن اللي في سننا ما يهتمون في المتزوجة اهتمام زايد

بالنسبة لي ماتستهويني أبد سوالف الزواج والأطفال واللي أشوفها تسولف عن زوجها أو عيالها أو أهل زوجها أسلك لها ومن داخلي أقول "مع نفسك"

أحب أسولف عن الهوايات وأفكار لشغل الفراغ لكن المشكلة في مجتمعي قله اللي تستهويهم مثل هالنوع من المواضيع

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

نسيت ما أجاوب على سؤالك بخصوص مين تاخذ الاهتمام بالمجلس

بالنسبة لي أكيد اللي شخصيتها حلوه وسوالفها حلوه هي اللي راح تاخذ الاهتمام بغض النظر هي متزوجة أو غير متزوجة

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

اول مره اوافقك الراي
ايوه اقصد ينظر لغير المتزوجه ان اهتماماتها غير مهمه او تافهه

اشغلتني
انتي راقيه
بس صدقيني كثير تدور سوالفهم حول محيط الزوج والبيت والاطفال
وان غيروا السالفه تكلموا عن بيت واطفال وازواج الناس الثانين
من بتتكلم عن اخر دوره حضرتها او ركوب خيل او رسم او غيره قله صدقيني
ممكن سوالف التجميل والميك اب تربط بين المتزوجات وغيره
بس الاغلبيه تتكلم عن حياتها واطفالها
انا ماعندي مشكله تتكلم عن بيتها او عيالها
هذي حياتها بعد تنكرها يعني
لكن الي ما يعجبني انها تسفه رايك بحجه ان ماعندك خبره
وش عرفك لاجاك عيال نشوف
او اطلع مع فلانه هي معاها اطفالها و غير المتزوجه ماتتم دعوتها
اشيا كثيره صعبه لما يكونوا كل صحباتك متزوجات وانتي لا
صار لي مره موقف ضايقني
انا اكره المزح برزح
طبعي مرح الحمدلله
مره كنا بالقروب وفصلت عليهم كلهم متزوجات
بموضوع ما يخص زواج ولا عيال ولا شي موضوع عادي
ردت وحده مبتعثه مهستره اليوم تبغى زوج يسكتها
مره صدمني ردها وردت وحده ثانيه توافقها الراي
طبعا ماسردته بنفس الطريقه فوق بطريقه قليله ادب مره ومقصده اقل ادب
زعلت صراحه من ردها ومن لحظتها ماعاد امزح معهم
الشي الثاني التكذيب لو اقول مشغوله قالوا وش مشغلك لو اقول تعبانه وش متعبك جد يستغربون ماوراك زوج ولا عيال يشغلونك ولا يتعبونك لا تتعبين ولا تنشغلين وخليك دايم فاضيه
والله مدري احس صديقاتي المتزوجات صارو حزب سوى وماصار لي مكان بينهم

لا تلومينهم يا مبتعثة لومي المجتمع اللي يحسس المرأة لما تتزوج وتكون أسرة انها عملت انجاز في حياتها وكأن الموضوع هذا بايدها مو بايد الله عزوجل

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

مشكلة لما المتزوجة تاخذ مقلب في نفسها انها مميزة وسوت انجاز في حياتها لمجرد انها تزوجت ههههههه

مبتعثة الله يعينك على التسليك لهالنوعيات والمشكلة ياكثرهم في المجتمع

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

مالومهم والله اشغلتني ابد
بس ماعاد القى نفسي بينهم
بالفتره الاخيره اي كلمه اقولها تؤخذ بسلبيه
احس ماعاد يتحملون وجودي معاهم او ما يفهمونه
لكن بصراحه الاحترام هو الاحترام لو عامله عندك بالبيت مجبوره تحترمينها ماله علاقه المجتمع وش يقول