رد: كوفي شوب الصبايا 2 ( المشاركة للنساء فقط
لما أطلع مع عيالي أسألهم - أحياناً - وين يبون يتغدون .. لما أكون مقررة نتغدا في الفود كورت.
ودايماً يختارون ماكدونالد .. فما في مجال يختلفون لأنهم كلهم يحبونه.
أما إذا قررت نتغدا في مطعم غير مطاعم الفاست فود .. فما أسألهم أصلاً .. بس أبلغهم باسم المطعم .. وسلطان يتحرطم شوي 
.... لكن في النهاية نروح المطعم بدون حشرة زايدة.
في الألعاب صاروا عارفين الروتين المعتاد .. لأنهم عارفين الألعاب وكل واحد فيهم عارف ألعابه اللي يلعبها بروحه أو الألعاب اللي يلعبونها كلهم مع بعض .. فبعد ما في مجال للاختلاف والهواش.
وقت الشوبينغ يكون مربك شوي .. لأن سلطان يمل ومهرة تتعب .. وأنا فاهمة هالشي ومقدرته .. (طبعاً شما مرتاحة في عربانتها) .. لكن الإغراء اللي يخليهم يتحملون هو باسكن روبنز .. لأني أخليه للنهاية عقب ما نخلص كل شي .. فإذا حسيت إنهم بيطلعون عن حدود السيطرة أهددهم بالحرمان من الايسكريم .. فينضبطون بشكل جيد.
وغالباً أحاول ما أطوّل في الشوبينغ لما يكونون معاي.
في الرجعة مافي هواش في السيارة إلا في حدود ضيقة .. والغالب إن مهرة وشما يلعبن .. وسلطان ينام.
__________________
اللهم طِيبَ الأثر .. وحُسْنَ الرحيل.
30-05-2015, 11:13 AM
ضوابط المشاركة
العرض الشجري