عرفتي ليش اخترتج في قسم ساعدني ؟
فعلاً كل كلمة قلتيها صح
عدا عن سفر ريلي .. لا يا صديقتي من قبل سفرة هالحالة ملازمتني الفرق بين الوقت الحالي وقبل سفره إن كنت انكر بيني وبين نفسي ان فيني شيء .. وألحين اوتعيت حق نفسي

مو متقبلة نفسي
مو هذي زين اللي ابيها
بس ابي احس ان في داخلي سلام واطمئنان ..
ساعات اتمنى ان افقد كل شيء عندي خايفة افقده عشان اتخلص من الخوف ويمكن اعيش بسلام
بس ارجع واستغفر واحمد ربي واقول يا رب ادم لي ما اعطيتني ... بس اتخلص من خوفي وقلقي
ساعات ما احس ان فيه شيء يقلقني بس شيء كاتم على صدري ثقل فضيع فضيع
قاعده اكتب وعيوني مغورقة اكتب شوي واوقف
احس بإرهاق نفسي...

اخشى ان تكون معصية غافلة عنها يتبهني الله لها ما ادري ما ادري...
مع العلم ان راجعت طبيبة نفسية
قالت لي ان انه سليمة نفسياً ولربما تكون مرحلة مؤقتة!
شسوي ؟

الحمدلله عالعافية دائما وابدا

اول شي تسوينه انك تحمدين ربك على الصحة الله يديمها عليك

ثاني شي حددي بالضبط كل شي متضايقة منه على انفراد

وايش الوضع البيرفكت اللي تتخيلينه عشان توصلين للصورة اللي تبينها ويروح التفكير السلبي لكل شيء على حدى

من غير حلول تخديرية

فانتي .. ابي ارجع اؤدي عباداتي بنفس النشاط
واؤدي نوافلي بحب وشوق يا اختي

اشعر ان كل اموري بتنحل لما تستقيم حياتي مع الله

تعرفين الخسران كل شي ما عنده هم والخوف من الخساره ... مستبيع الدنيا بكبرها

زين انتبهي تتعلقين باحد بتنكسرين بسهوله .. كأنش ماشيه وحاطه يدش على قلبش ومنتظره كارثه

خليها على ما بناخذ شي بهالدنيا .. لا تعلقين قلبش الا بالله

يا زين انتي شخصيه رائعه ومميزه واحس مكانش اكبر من تكونين زوجه فقط .. عندش مواهب قلصها زوجش

عليش وحكرها الله يهديه ,, اطلبي من الله يلين قلبه

اتمنى اشوفش أم وقريب بأذن الله احس بينسيش الدنيا وما فيها وبتحطين كل طاقتش في عيالش


انتبهي تنشغلين بالهم والتفكير

__________________
وهل من مصير اخر ؟

هذا اللي ابيه يا صديقتي
ابي اتخلص من تعلقي بكل شيء واخلي قلبي مع الله فقط
هذا اللي احتاجه ..

الله يحنن قلبه يا رب
تصدقين يا كوكي ، اشعر ان مواهبي اندثرت
حتى قدرتي على الحفظ بدأت تتراجع
قبل إذا اقرأ رواية احفظ منها مقاطع نصاً
واحفظ اشعار ووو
ألحين احس مخي فرغ
بس بإذن الله راجعه وبقوة انشط مخي ببعض السور القرآنية
وبعض الأشعار اللذيذة


الله يسمع منج يا رب و يرزقج ككل اللي تحبينه يا الغالية