مشكووورة اختي عالرد والله يرزقك اللي ببالك ويسعدك يارب بس حابة اوضح انه هو ما قد طلقني انا.. انا اقصد انه كان متزوج قبل وطلق قبل زواجنا بكم شهر بس واعتذر عن عدم التوضيح ..
يعني انتظر؟؟ .. انا راح اشوف اليوم اخلي امي تكلم ولد خالتي ونشوف مع اني احيانا الشيطان يوسوسلي وافكر انه ولد خالتي مو قاعد ينقلي الصورة كاملة عشان يصلح الموضوع بس الله كريم وعلى اساس هالشي ان شالله اقرر اكلمه واكلم اخوي او أأجل الموضوع .. دعواتكم ..

السلام عليكم ورحمة الله وبركاته
اسعد الله صباجكم وعيد سعيد وينعاد عليكم بالصحة والعافية يارب ..
كنت حابة اني ارجعلكم بمستجدات تفرح او عالاقل شوية تطورات بالموضوع بس الحمدلله على كل حال .. مع انه ما صار شي بس حسيت اني حابة افضفض شوي انا حاولت اني اكلم اخوي بس مارضي يكلمني ويقولي مالك دخل ومتزاعل مع كللل اللي بالبيت من قبل رمضان والى الان ما ندري ليش او من ايش زعلان ولا يكلم اي احد فينا الله يهديه والوالد يقولي ارجعي لاخوك يعني مافي فايدة .. ما علينا المهم اني حاسة بمشاعر متناقضة جدا فترة اقول اني ابي ارجع لزوجي ولما اقرا رسايله اغير رايي وصلت لمرحله ماني عارفة اذا احبه او لا ماني عارفة اذا كنت اصلا لسة ابيه او لا والاخبار من ولد خالتي انقطعت بحكم انه عيد وماحد فاضيلي انا ومشاكلي فما ادري خايفة من اللي جاي خايفة اتطلق وخايفة ارجعله وخايفة اقعد معلقة عند اهلي ماني عارفة كيف اتصرف لاني ماني عارفة ايش ابي حتى لما استخير ما اعرف على ايش استخير لاني مو عارفة اي قرار باخذ .. اسفة ان كنت غثيتكم بدون داعي بس جد مو عارفة ايش اسوي ولا تنسوني من دعواتكم والله يكتبلي ويكتبلكم الخير يارب وان شالله اطمنكم عني قريب وارجع اشكر كل من رد علي وساعدني ولو بدعوة وما نسيتكم وان شالله ما حنساكم من دعائي .. في امان الله