وهذا اللي قاعد يصير والله إني حاسة إني تغيرت بعد المشكلة الاخيرة وكله بعد فضل الله بوقفتكم معي وتعليماتكم استفدتي منكم كثير عشان مااخسر زوجي واحافظ عليه .. وصرت أحب زوجي وأدلله وهوالحمدلله طيب ومعدنه أصيل زي ماقلتي .. اللهم آمين

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

راح زوجي يودع حساب القسط ومسوي استعلام للعمليات واخر عملية كانت سحب للقسط .. وحاط اشارة عليها ومصورها لي في الواتس ويسألني هذي لايش؟ بصراحة مسكت اعصابي ولاكان بترجع المشكلة .. المهم فهمته اني مستحيل العب بفلوسي وعارفة وين تروح .. قال انا خايف عليك اجمعيها لشيء ينفعك ان مت او شيء ينفعك .. قلت تطمن تعبي ماراح اضيعه وان اعطيت امي فمن برها .. فال اعطي امك بس بالمعقول .. قلت المهم اذا لي خاطر عندك لاعاد تجيب طاري هالموضوع ابد وانا عارفة وين احط فلوسي ثق فيني.. قال اوك ..

بصراحة متنرفزة مرة مدري وش اسوي؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

أحبه حبيبتي
شفت الحوار هذا اللي دار بينكم؟
هذا الصح وهو عين العقل
لا تتنرفزين ولا تزعلين ولا تجرحينه بالكلام
قلتي له كلام امرأة واثقة بنفسها وعاقلة وقالج أوكي ولهنا انتهى الموضوع

انفعالك ماله مبرر
والحياة أخذ وعطا
وقلت لك زوجك عملة ذهب لا تفرطين فيه
واحتويه وعلميه على ماتحبين بشويش وبطولة بال

خلاص انسي الموقف وتأكدي عملتي أحسن بألف مرة من لو قلتي له مالك دخل وووو الخ
من الكلام اللي يفرق ولا يجمع

انتبهي تتفاعلي مع انفعالك وتجاهليه واقرئي قرآن وتعوذي من ابليس
خلصي فطورك والبسي لزوجك وادعي لك وله

__________________
الحمدلله الذي بنعمته تتم الصالحات

لا تحسسيه انك مستغنية عنه براتبك
بعدين يشيل يده منك و يقول ماهمتني

الله يسعدك يارب .. بس انا قاعدة أفكر انه مو من حقه يسألني هذا وين راح وهذا فين حطيتيه بصراحة ماكنت متوقعة بيوم من الايام انه يسوي كذا؟ مدري هل لاني كنت احط معه في المصاريف وكان يسكت ولا ليش ماأعرف!!!
وقلت له انت تعطي أمك واخوانك ولا مرة سألتك قال اسألي وأنا اعلمك ماعندي مشكلة؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ماني محسسته بالعكس البارح منزلني السوق ومشتري لي حاجتي وفوق حاجتي،،

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ردج كان كفاية وخلاص لا تطولين الموضوع
واعتبريه انتهى
ولا ترجعين تفتحينه معاه

__________________

حاجة الناس إليكم من نعم الله عليكم ، فـ لا تملوا النِعم ☁✨

ما قصدت كذا احبه

شوفي هو ما قصر معاك ماشاءالله .. لانه يحس انه مسئول عنك

لكن لما تجي تقولي له ( مالك دخل فيا )
( لا تحاسبني )
و الكلمات هذه

راح يتغير بعد فترة و يقول ( بكيفها ماهمتني )

الله يسعدك معه ويوفقكم

عين العقل
خلاص فعلا سأل وجاوبتيه
لاتكبرين المواضيع

__________________
الحمدلله الذي بنعمته تتم الصالحات