هل بعد خروجك من البيت يوعدكِ انه لن يمد يده مرة ثانبة؟
ولو ترك الضرب هل ستحبينه ؟
او هناك اشياء ثانية كرهتك فيه ؟

طبعا يوعدني ويحلف بصدق اعرف انه صادق وقتها
لكني من داخلي اعرف انه مراح يتغير لانه كان يقولي ليش متحسسه كل اخواني يضربون حريمهم ويعشقونهم
وابوه كان يضرب امه للاسف
يعني عندهم طبيعي الحرمه تنضرب من زوجها ليش هالحساسيه
طبعا بعدين صار يقول لا غلط وماابغى اضربك وانا اسف احس بس عشان يرضيني
سؤالك صعب وعالوتر الحساس
في البدايه كنت اشوف انه لو ماضربني راح اعشقه
بس ذحين بعد ماتكرر الضرب تغير الوضع صرت اشوف كل عيوبه غصبا عني
شهادته اللي اقل مني
بالمناسبه هوا مره اثناء العصبيه قال مو عشان شهادتك وذكر تحصصي تحسبي نفسك محد قدك (انا جامعيه وهوا ثانوي) وانا ماجبت لها سيره ابدا حسيته يحس بالنقص
وزعلت كثير لاني كنت معجبه بثقته العاليه بنفسه اللي طلعت مو حقيقه
وانا من الصفات المهمه عندي يكون واثق بنفسه
قصتي طويله
هوا رجل شهم وانقذ حريم من داخل سياره مقلوبه قدامي احيانا احسه سوبرمان بس سوا اشياء خربت عليه
الصلاه يقصر فيها مايصليها بالمسجد
القرض اللي اخذه مني ناقض كل شخصيته مرررره مو لايق عليه ياخذ مني قرض
ندمانه ندم عمري اني اعطيته لاني صرت اشوفه اقل مني بعدها
القرض والضرب سببين رئيسيين خلوه يطيح من عيني

__________________
لا اله الا انت سبحانك اني كنت من الظالمين