أولا الموضوع في كل حالاته صعب فلا تلحق نفسك بالشعور بالذنب أنك أخطأت في حق الأخت . فحتى لو أخذت برأي أحد غيرنا فالرفض جدا متوقع بنسبة 99% .
ثانيا غير صحيح كلامك مع وافر التقدير . وأنت لو حصل لك نفس ماحصل للزوج تماماً بصرااااحة ، تركتك زوجتك وشتت أولادك بسبب زواجك الثاني ، ثم تزوجت غيرك وأنجبت منه ، ثم طلقت ، وأنت طلقت زوجتك ، أو ماتت وصرت أرمل ، ويوم شافتك زوجتك الأولة اللي عافتك و و و . يوم شافتك لحالك ولا لها خيار أصلا إلا أنت جاتك تبي ترجع مع ملاحظة :
1-كبر سنها
2-ووفرة الحريم
3-وتوافر فرصتك للزواج بأبكار
4-وكلام الناس عنك أو شعورك أنت الداخلي بأنك وكالة من غير بواب .. متى ما بغت زوجتك تجي جات وإذا بغت تمشي مشت ) .
هل ستقبلها ؟ . سلااااامات يا أخي . كل هذا تصوره حتى تعطي رأي صحيح ، أو على الأقل قريب من الصحة .
قارن رأيك بما لو اتفقت مع صديقة لها مقربة ، تزورهم في البيت والصديقة ذي كلمت الأولاد يفاتحوا والدهم بلم الشمل مع الأم ، في مثل هذه الحالة النتيجة كالتالي والله أعلم :
يكون أبوهم يفكر من جد في الموضوع لأنه جاء ممن ؟ ، من قطعة القلب والروح (عياله )
. وتكون أختنا كأنها ماتدري ، حتى ما ترخص في عينه ، وتحتفظ بشي من الثقل والكرامة .
فرق كبير وكبير جدا بين إن لم الشمل يجي من عياله ، فيحس بحاجتهم له بنفسه ، أو يجي من اللي سبب له أذى بليغ ، وشتت شمله وفرق بيني وبين عياله ، هنا يأتي إرضاء غريزة الانتقام والتشفي ممن قتل فيه فرحته بأولاده ، وفرحة أولاده به . لا تنس إنه لحظة ما تكلمه بلم الشمل ،ما يتذكر إلا الماضي السيء منها تجاهه ، والآلام والتشتت ،
بالله وش تتوقع عذرها بالرجوع .. نبي نجمع عيالنا لا يتشتتون . جامعنا اليوم هو مفرقنا أمس . يعني حتى الاعتذار لو كانت صادقة واقع الحكاية يقول إنها تكذب . وهو ما أتوقعه فالأخت نظرت لمصلحتها فقط ( بصرااااحة ) .
بينما لو جات الرغبة من الأولاد ، راح يفكر فيهم هم ، واجتماعه معهم ، وروحاته معهم وطلعاتهم وشقاواتهم وضحكه معهم ، وينسى أمهم وإن تذكرها تذكر بشوي من الألم لكن جانب الأحلام الوردية راح يغطي اليسير من الكدر -والله أعلم- .
عموما حصل ما حصل .. ووصلته الرسالة صريحة باعتذارها بكلش وهو الآن يستمتع بالانتصار .. فخليه يا أختي ( صاحبة المشكلة )مدة تقصر أو تطول حتى يذهب مافي نفسه ويرضي غروره ، ويشفي الانتقام من نفسه .
ثم المحاولة مرة أخرى عن بالطريقة اللي قلت لك ، طريق الأولاد وحدهم ( البنات خاصة ) أو أحب أولاده له ، ولو بعد ياخذهم ينامون عنده بعض الليالي مع ألعابهم يا سلام ، خاصة الصغير منهم أو المزعج منهم تكون جيدة ، لأنه راح يفقد إزعاجهم إذا رجعوا لأمهم وممكن يحن ، بل أكيد راح يحن يمكن مع الوقت الله يلينه يمكن ( يمكن مع إنها صعبة ) بس كل شي على الله يسير . والله يوفقكم .