وعليكم السلام ورحمة الله وبركاته.

ميمي حبيبة قلبي أسأل الله رب العرش العظيم أن يشفيها وتفرحي بها وهي في أتم العافية،

عهدتك قوية أرجوك كوني قوية أمامها، الكانسر قبل سنوات كان مرعب للجميع والآن تطور العلاج ولله الحمد

أهم شيء النفسية النفسية لها دور كبييير جدا وللمناعة، قويها أنت وابتسمي أمامها لمن تحكي معاك هكذا

ردي عليها بإيجابية دوما...

وخليها تأكل القشطة كتيير منيحة للكانسر..

فكوني قوية فما بعد الشدة والألم ستحل الصحة والعافية

أحبك جدا وسقيا زمزم تواصلي معاهم..

إذا أردت شيء اعلمي اني موجودة و بقربك.

و الله يا سقيا أحيانا بقول لو قدر الله هذا المرض لي ... لكنت ربما أقوى من ذلك ..

و لكن ماما تخاف جدا عندما تسمع ان فلان مصاب بمرض ما .. تخاف كثيرا من حديث الموت و ما يحصل بعد الموت .. حساسة جدا .. رقيقة جدا .. ليست قوية أمام المصاعب ..

بس بتصدقي يا سقيا أنها حقيقة أن الله لما يبتلي الانسان يعطيه معاه الصبر !

و لا مرة شفت الماما قوية متل هالايام .. هي أحيانا بتصبر البابا و بتقويه لما تشوفه عم يبكي ...

دايما أنا لما بتصل عليها بحاول غيرلها جو ..اضحك معها و اسمع ضحكتها .. .. الله يحفظها من كل سوء و يحفظك حبيبتي سقيا ..

بالنسبة للأكل .. انا مش سامعة عن القشطة .. بس لما اخدت دورات بلبنان عن الماكروبيوتيك و التداوي عن طريق الاكل و الطب البديل.. وقتها علمونا أنه مريض السرطان لازم يوقف السكر و اللحوم و منتجات الالبان مباشرة .. و يكثر من أكل الخضار و الفوكه ... فعلا في كتير ناس تعافو ..
أنا لما انزل ان شاء الله علبنان بدي حاول اعملها نظام اكل .. بس يا رب تطاوعني و تمشي عليه ..

حبيبتي سقيا بشكرك و بدعيلك من قلبي .. و اذا بدك مساعدة باللغة الفرنسية أانا جاهزة .. انا معي الجنسية الفرنسية و بحكيها بطلاقة ..
الله يحميكي و يحفظك من كل سوء

__________________
أبسط شيء في الأناقة نظافة قلبك

السلام عليكم ورحمة الله وبركاته.

حبيبة قلبي ميمي بحس بالماما كتيير، لازم تحكي مع البابا بأن يكون قوي أمامها

وسبحان الله يعطي للمريض قوة وصبر وصمود..

السرطان ليس من كل أصيب به انتهت حياته بالعكس بتكون مرحلة صح فيها ألم ووجع من الكيماوي لكن في منح كتيير..

لاتحسسوا ماما بأنه هيدا شيء خطير بالعكس مثل أي مرض بدو وقت ليروح..

دوما خليها على وردها أذكار الصباح والمساء والصدقة لها دور عجيب سبحان.

والأكل بإذن الله بتمشي عليه ولو مشيت عليه بدي أحكي معها من جد نفسي أكون معها بس أهل بها تضحك مو مثلك انتي ضعفت : )

و اقرئي عن فاكهة الجرافيولا وفيه أبحاث عليها..

كل يوم تقرأ سورة البقرة أو الشريط جنبها والرقية..

ميمي لي طلب إذا رحتي لبنان اعطيها بوسه مني مو منك وبلاش غيرة على رأسها وبدها وخدها..

وأي شيء باللغة سأطلبه منك...

كلما تعبت نفسيتك رد دي الحمدلله رب العالمين واحمدي الله بأن أكتشف حديثا..

بحبك كتييير الله لايحرمني منك.

حبيبتي يا سقيا ... كلامك بيوسع الصدر .. و بيرفهع الهمة .. الله يديم عليكي هالشخصية الحلوة ..

أكيد السرطان مش نهاية العالم و انا أملي بالله كبير أنو حيشفيها .. بس يا سقيا النفس ضعيفة و الأم غالية .. الله لا يحرمني منها .. و هيي لو تشوفيها يا سقيا بتقولي انو ما بيلبقلها المرض .. ما بعرف اديش صح الواحد يقول هيك جملة ... هيدا قضاء الله و قدره , انا بؤمن بقضاء الله الى اخر نفس فيني .. و بقول أكيد في خير حتى بمرضها ..بس يا رب ترضينا ..
انا و اخواتي أبدا ما منحسسها انو الامر خطير او بيخوف .. أصلا مش مخبرينها انها مريضة بالسرطان ! ما بعرف أديش صح هالشي بس ما طلع بايدنا و الله يا سقيا .. قلنالها انو في التهابات عالية بجسمها .. متل ما كان مشخص الدكتور بالاول ! و هي صدقت ..

قريت عليها كتير لما كنت بلبنان و عمتلها كمادات زنجبيل .. و رح اقولها تحافظ عالاذكار ان شاء الله ..

الله يهنيكي بهالروح الحلوة يا سقيا و يهني زوجك فيكي و و يا رب يمر الكورس الكورتيزون تبعك بخير و يكون بردا و سلاما و عافية على بدنك ..

و البوسة حتوصل ان شاء الله

__________________
أبسط شيء في الأناقة نظافة قلبك

السلام عليكم ورحمة الله وبركاته.

يارب توصيل بالسلامة حبيبة قلبي ميمي، ياليت تسألي دكتور ها عن إخفاء الحقيقة وأظن ليس لصالحها فيه ضمن العلاج دعم نفسي

هيك مستشفى الملك فيصل التخصصي عملوا لي ما بعرف في لبنان لو في هيك..

عارفة حبيلتي طبيعة التساؤلات لكن لا تستسلمي لها واجعلي لسانك حامدا شاكرا..

أغلب حالة الكانسر عين أو سحر لهذا أرجوك الرقية شريط من هون السدحان والمسجل بجنبها هناك في المستشفى كان القرآن شغال دوما..

ماتستغربي من قوة الماما فااالله عزوجل حتى في قمة البلاء بيرسل هبات رحمات للإنسان...

خذي معاك عسل سدر حضرمي وكل يوم عالريق مابتعرفي قد ايه كان القرآن والرقية تعمل لي تغييرات كثييرة جدا..

بعرف الأم قد ايه غالية لهذا لازم تكوني قوية وتتحدي أي ضعف بيمر عليكن جمعيا..

لو أردت عسل سدر بتواصل مع الإدارة وأخذ عنوانك ويرسل لك ما في أي حمل علي أرجوووك ميمي اعلمي أنا بقربك،

لمن توصلي لبنان طمنيني عليها..

وبإذن الله يوم عرفة لمن أخذ عمرة ماأنساها من دعواتي..

الله يشفيها شفاء لايغادر سقما.