وعلى طاري كسر الثقة و كسر كلمة الزوج
اقول نساء تنضرب ضرب ال......
و ما حد ينصحها بالطلاق
لما اقول لك هذا المثل. تقول لي مختلف و الأغلاط ما تبرر و الخ؟؟؟!!!!!!!!!!
!!!!!!!!!!!
القصد
ما في شي اسمه واثق انها بتكرر الغلط و نسد منفذ الصلح و حجرنا واسعا
طبعا بس من جانب خطأ الزوجة.

__________________

سبق واتكلمت عن موضوع الضرب والاهانه .. اذا الزوجه حابه تنهي حياتها بطلاق .. مااتوقع احد يلومها على قرارها .. وضحت فكرتي !!

ذكرت شعور للفائده ..

في بعض الاموور ومع اختلاف الحالات .. نعم الطلاق هو الحل !!

طيب
يعني بصراحة كذا اشوف أسباب النساء
لطلب الطلاق. اكثر قناعة من أسباب الرجال

فهي تندرج تحت الايذاء النفسي و الجسدي ووقوع الظلم
بينما الرجل على كسر الكلمة والكرامة التي لا يتنازل عنها حتى باعتذار

مع استثناء الأسباب التافهة لكلا الطرفين.

__________________

كلمه اكثر قناعه .. مبنيه ع قناعه شخصيه !!! وهنا نتكلم عن حاله او مواقف في ارض الواقع ..

لذالك .. احترمني احترمك .. افهمني احبك !

ماضربها الا انه لايحترمها وماكسرت كلمته الا انها لاتحترمه وهنا الخلل ..

الخلل واجد
والضرر مختلف
تصرف يكسر الكرامة
لا يقارن بتصرف يكسر الكرامة و العظام.

__________________

يا اخي الفاضل مش مساواة ، المسألة اننا تعودنا على التغاضي عن خطأ الرجل
وعن تقصيره حيال زوجته وبيته ،
وألزمنا المرأة بالصبر والسكوت ، مثل حتى بعض الاخوات تذكر امثله تكرس ثقافة السكوت والصبر على اللي مافيه صبر ( ظل رجل ولا ظل حيطه) .
يعني الرجل اذا صاد على زوجته محادثات كتابية حب وغرام ، قيل طلقها وألف بنت تمناك
والبنت اذا صادت على زوجها محادثات كتابيه حب وغرام قيل كل الرجال كذا وانتي غلطانه ليش تفتحين جواله مايصلح جبتي المصايب لعمرك ، اصبري وتحملي فترة وتعدي
وتقعد تربي في الرجل الثلاثيني لين يصقع خمسين ، وهو جيد يدقق عليها تغطي يأمره ، إصبعك الخنصر طالع غطيه.. وحتى تلاقي اذا ناقشته قال انا رجل موب من حقك تفتحين جوالي
وهو عادي يشق صدرها يتأكد بقلبها احد غيره والا لاء ، لانه رجل !!

اما كلامك عن ان الزوجة راح تعيدها ثانية فإذا عادتها ثانية تفضل طلق مسموح محد لايمك
لانك استنفدت كل محاولات التأديب معها .. تدري زوجها متى بيتحسف لاشافها مع رجل اخر مطيعة له وتائبة من عوائدها القديمة ، بطلاقه عدلها لولد الناس مهوب لنفسه ..


وحل المشاكل الزوجية ( الزوجة الناشز) مثل ماذكر بالقرآن وعظ ، يليه الهجر ثم الضرب
(والزوج الناشز او المعرض) الحل انها تصالح معاه ومن سبل التصالح انها تنادي اهلها يتحاورون معاه ..

ولكن علينا ان نفهم ان ليس كل خطأ من احد الزوجين او كل سلوك يعد نشوزًا ، او أمرا عظيما
مثلا مثل مافي مشاكل تتطلب الهجر ، هناك مشاكل تعجز المرأة تحلها تلجأ هنا لأهلها
وترا ثقافة المجتمع للاسف بعضها غطى على مفاهيم الحياة الزوجية الواردة في القرآن الكريم ..
يذكر لي والدي قصك رجل تزوج مرأه وماش ماحبها والمهم واستمر عشرته معاها
بعد كم سنه يحاورونه عن الزواج و فذكر انه ام عياله بداية حياتهم
ماخشت المزاج ولكنه رأى منها خلق جعله يستمر معها ويقربها منه ، وهو انها حسنة المعشر مع والدته
هنا نتذكر حديث الرسول عليه الصلاة والسلام ( لايفرك مؤمن من مؤمنه ان ساءه منها خلق سره أخر)..

لا أبرئ ساحة النساء من الاخطأ ، لكن في الحقيقة ليس كل خطأ يستحق الطلاق
وعلى الرجل ان يدرك معنى قوامة ، وان يضع في باله انها مسؤوليه اضافة للامر والنهي
وكما ذكرت القوامة لاتظهر على فستان طويل او قصير ، او عباية او طلعة سوق
معناها عميق جدًا ،

معليش اعتذر يمكن تعبيري كان خطأ
اقصد بحبها يعني لها ماضي جميل يشفع لها وكانت حسنة المعشر وان الا سوته كان نزوة من الشيطان وتحريض من صديقاتاها
لكن ان كانت سيئة المعشر وحياتي معاها نكد وكملتها بهدي فأتوقع ان صعب ارجعها بالعكس بيكون لقيت عذر قوي ان اتخلص منها

اختي ابتسامه جذابه ..

موضوع السكوت والصبر على ماابتلها من زوج غير صالح .. اتوقع ان الاخت صاحبه الموضوع تتطرق الى وضعنا الحالي من طلبات الطلاق على الشي اللي يسوى ومايسوى ..

الشي اللي يسوى شرحتي نقاطي مع الاخت داني ..

بعدين اشوف انكم تتضايقون لو قال الزوج لزوجته تغطي !!! ترى من ابسط حقوقه ان يستر بيته وويوجه كزوج ومسوول عنهم !!

وموضوع تربي اختلف معاك تماما .. الواحد مايتزوج عشان كل واحد يربي الثاني .. هاذه ماهي حياه او طريقه للتفاهم والتأقلم !!

موضوع الخيانه .. بصراحه اشوف ان المصيبه الاكبر تكون من ناحيه الزوجه .. ليه اختي الأم مدرسه اذا اعددتها اعددت شعبا طيب الاعراقي .. وضع الأم في التربيه اكبر واهم من الأب .. ليه !! الأب اغلب وقته خارج المنزل لتوفير لقمه العيش .. ولا اغفل حقه من اهتمام وتوجيه ابنائه وتلبيه طلباتهم من توصيل وعلاج وتوفير راحه وجو اسري مريح .. الأم اذا حدث منها نزوه فااعلمي ان هاذا بدايه ضياع الاسره وتشتتها !! ولا ابرر للزوج لفعل مايحلو له .. لكن في حاله نزوه الزوج .. يجب على الزوجه عدم السكوت ابدا واخذ عهود شديده بأن هالشي لو تكرر فأنك سوف تخرب بيتك بنفسك ولا تلؤمك لومه لائم ..

لهالدرجة !!!!
يعني مثل ما نقول غلطة الشاطر بألف
يعني الرجال السكران. أولاده ما راح يتأثروا. لان اغلب وقته برى
مجرد يرجع سكران يطق و ينام

ساعات احس. ان بيت الام مدرسة اذا أعددتها. نتعامل معاه كأنه حديث صحيح
و تلوموا الحريم

__________________