عزيزتي نعومـــــــه
ترددت في الرد على مشكلتك لأني احترت شنو أقول لك الصراحه انتي انسانه رائعه بكل ماتحمله الكلمه من معني لأنك صابره ومتحمله زوجك ، لأنك مافكرتي بالغلط والخيانه وهو مشغول عنك ودايما بايت بره بالبيت
الحقيقه الي يشوف مشاكل الغير تهون عليه مشكلته ، وأنا معاك أن زوجك قاسي شوي وأناني شويتين ، بس ألف الحمدالله والشكر انه ماعنده خرابيط وبلاوي مثل غيره ، لاهي بشغله ودراسته ولايفكر بشي ثاني أنا ما أقدر أقولك الا تصبري أكثر وتحملي يعني شراح تسوين بعد ممكن يتغير مع الأيام ليش لأ ، الله قادر على كل شيء وانتي حاولي معاه ولاتيأسين من رحمة الله ، حاولي مره ومرتين وثلاث ولازم يحس يوم من الأيام ، مافي حل غير جذي ولاتفكرين بشي ثاني ويضحك عليك الشيطان
عموما الله يكون بعونك وبعونا كلنا على معشر الرجال ،،،، ونبي نسمع أخبار حلوه