على حسب ظروفي الحالية ،
هل هو سيء أصلاً يعني لو تركته ماعليه حسوفة ؟
هل هو يهتم بسمعته بشكل كبير أو يهمه نظرة المجتمع له ؟ يعني تصعيد المشكلة بيخوفه ؟

عاد تدرين ، قبل الأولاد كنت شبه جازمة لو حصل ضرب بتكون ردة فعلي هي رد الضربة له .. أرمي عليه كل شيء قدامي أو حتى تصل إني أهدده بالسكين المهم إنه يقمط ويخاف .

بعد ماصرت أم تسيخفت الفكرة حسيتها فاشلة .. لأن بنتي بتكون الضحية وأنا ما أرضى بهالشيء ..

احنا مو بس بمجتمعنا ، بكل العالم .. نضطر إننا نكون الضحية أهم شيء أطفالنا مايطولهم تعب ..

تلاقين الزوجة تصبر ع الضرب ؛ عشان أطفالها تصبر .
زوجها خاين وقذر ؛ تصبر عشان ماينحرمون الأطفال .
تبغى تتطلق وتكره زوجها ؛ تصبر عشان ما ينحرمون منها الأطفال .

يعني حتى لو قررتِ أنتِ أو أنا أو أي بنت قرار ، لازم يكون علينا إننا نضحي .. قراراتنا كبيرة جدًا ومرهقة.

فعشان كذا تلاقين الأغلبية يختارون أسلم الحلول حتى تمشي الحياة ..
إذا يضرب تلاقينها تدوّر راحته + تبطل تنرفزه عشان ما يتكرر .
وطبعًا لو حصل ضرب تمد البوز يومين وترجع المياه لمجاريها !

بس هل الحل هذا يناسبك ؟
إذا لا فعليك إنك تضطرين تواجهين المشكلة وتصعدينها وتكونين على قدر من القوة عشان تواجهين زوجك . لأن لو أنتِ عاطفية مارح تقدرين .. بيضغط عليك بأطفالك أو بيرفض طلاقك إلى آخره ..


أتذكر قبل كم سنة قالت لي وحدة موقفها إن زوجها يضربها باستمرار ، وهي كل مرة تمشيها له .. الى ما خلاص طفح الكيل معها وضربها ضرب قوي ومهين ..راحت بكل قوتها للمطبخ وجابت السكين ! تقول جايبتها تهديد بس ما بيّنت له ، رحت له وكأني ناوية أقتله .. قمط بالبداية ولما شاف إصرارها خصوصا انها مخشت يدينه 😄 توحّش وانحاش برا البيت !
لكن الحزين بالموضوع إنها بعد مارتاحت وتمالكت نفسها شافت بنتها كانت تصرخ وتضرب الجدار وتبولت على نفسها من الخوف



يريّحك لو تقولين لنا الموقف اللي صار لك ؟