السلام عليكم و رحمة الله

مساء الخير جميعاً و الله يعطيكم العافية أخواني و خواتي.

مشكلتي ممكن تظنون أنها بسيطة لكن الصراحة أنها مسببة لي أزمة.

زوجتي عمرها 20 تقريباً و هي انسانة طيبة و محترمة و أيضاً اهتمامها بالبيت يزيد كل يوم لو كان هناك تقصير بالبداية لكن ابداً ما ضغطت عليها خليتها براحتها و الحمد لله تعدلت و أنا الان الحمد لله مرتاح معها بأغلب الأشياء.

و مشكلتها دائماً حزينة بدون سبب !!

علشان تفهمون كويس هي ما تشتكي تقول انا حزينة لا بس يبين على وجهها و تصير ما تتكلم !!!

ما عندها أي سبب أبداً كريم معها جداً و احترمها جداً و تزور أهلها كثيراً حنا نسكن بمدينة ثانية لكن قريب و تزورهم كثيراً و كل شيء موفر لها.

يغيب عنها الحزن مرات بس يرجع لها كثيراً وهي الان حامل بالشهور الأخيرة (الحمل ماله شغل بالموضوع لأنه من قبل الحمل وهي نفس الحاله)

تكتب أشياء و تمسحها بعض المرات أحاول أقراء كتابتها كلها مثل كذاً (أنا مهمومه و حزينة و حساسة جداً و ذكريات سيئة ابغى انساها وووو)


حاولت 1000,000 مرة أسالها ليش متضايقة أو اذا فيه شيء مزعلك بطريقة مباشرة و غير مباشرة ما نفع معها تقول ما فيني شيء !!!

كم مرة حاولت افهمها انه حياتنا حلوه و انه مبسوطين و انه ارتاح لها اشوفك مبتسمة و تضحكين وووو لكن بدون أي نتيجة.


أحبها و ابغى اساعدها لكن طفشت منها بسبب هذا الشي شكلها يصير يسد النفس و اكرها.

عطوني حل ؟؟


الله يخليكم حياتي تجيب الهم بسبب هذا الحزن ما يمدينا ننبسط يومين او أسبوع بالكثير الا هذا الحزن راجع مرة ثانية مليييييت.

حاولت اقراء بالنت و عرفت انه فيه ناس شخصيتهم كذا تحب الحزن و توهم نفسها انها عندها ذكريات حزينة او او

معقولة شخصيتها كذا ؟!

و شكراً مقدماً





تم تعديل العنوان ليتناسب مع المضمون

يمكن خايفة من المسؤوليات وتراكمها يوم بعد يوم ،،



لو ماهي حامل نصحتك تدخلها نادي او مرسم او اي شي هي تحبه ،،



الغربة كربة اخي الكريم حتى لو تزورونهم اسبوعيا،، بكرى يجي البيبي


ويصير م عاد تفكر ف شي من الضغط الوقتي ،،

__________________




ربِ هب لي من لدنك ذرية طيبة أنك سميع الدعاء

يا أخوي لا تسوي مشكلة من لا شيء

ممكن هي طبيعتها كذا
أو لسه ما طاحت الميانة بينكم

طبيعي في البداية كذا اعرف كثير كذا لانه وضع جديد و لانها تقعد لحالها فترة الدوام بعد ما كانت و سط اهلها و الزحمة بعد الطفل ان شاء الله تتغيرر و سنة عن سنة تفرق لين خلاص تتعود

__________________

نزورهم كثير يا اختي كثير جداً و تجلس بالاسابيع عندهم و ما عندي اي مانع و متى ما تبغى اهلها اوديها على طول بدون نقاش لانه أساساً بيت اهلها عند بيت اهلي أيضاً،،،

هي تروح للجامعة 4 ايام بالاسبوع ،،
الميانة طايحة من زمان،،،

بعدين شنو مشكلة من و لا شي ؟؟؟

عمرك جلستي مع احد حزين و كئيب فترة طويلة ؟!

ممكن تتحملين شهر او سنة بعد لكن بعد كذا صعبة الحياة الكئيبة !!!!

الان لنا سنة و نص متزوجين و نفس الشي بدون اي تغيير و انا خايف يصير طبعها كذا ؟!!

شوف فيتامين دال أو الغدة .. ترى نقص فيتامين دال او اضطراب الغدة من أهم اعراضه الاكتئاب .. الله يفرج همكم ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

واحد من الاثنين

- نفسية .. فيه ناس طبيعتهم جذي

- فيه احداث سيئة صارت بحياتها انت ما تعرفها

__________________

حاجة الناس إليكم من نعم الله عليكم ، فـ لا تملوا النِعم ☁✨

الله يجزاك خير ويكثر من أمثالك اخوي
ويجلي الحزن عن زوجتك ويقومها بالسلامه
حاسه فيك فعلا الوضع متعب
لكن لاتتعب نفسك
دامك سألتها وماانت مقصر معها
قد تكون طبيعتها كذا سبحان الله
خلها ع راحتها
وانت ارتاح
الله يقومها لك بالسلامه .

وعليكم السلام ورحمة الله وبركاته..

بإذن الله لن تكون الرجل الحزين أيها الأستاذ الكريم،

زوجتك صغيرة والمسؤوليات التي تعملها ضغطت على أعصابها أو تتهرب من شيء ما يحدث لتشغل نفسها..

تساعدها بالفعل..

ساعدها في أعمال المنزل، شاركها اهتماماتها، اذهبا لملاهي معا واخرجا الممشى

ستبدأ تكسر هذا الحاجز، العب مع الطفلة التي بداخلها..

ادخل عليها وأنت تحضر لها حلاو، بالونات شيء ينعش هذه الطفلة وستبدأ تأخذ وتعطي معك..

احضنها، أحضر مرسم وارسم معها..

أشياء بسيطة جدا لكن بالنسبة لها تكون هنا سعادتها..

وافعل بذلك وسترى الخير.

أنا زيها كذا تجيني حالات كئابة وملل وأنفّس .. طبعًا مافي أحد يكون بوجهي إلا زوجي فـ أنفس عليه 😂
وإذا جلس يسألني ايش فيك أزيد ويدلعني وأزيد أكثر 😂 بقلبي أقول هل من مزيد 😂

بعدها صار إذا شافني منفسه يتجاهلني تمامًا أويبطل يتكلم معي طبعًا مو بزعل بس تجاهل وأحيانًا ياخذ جواله ويطلع الغرفة يكلم وهو يضحك أو أي شيء المهم أنه يتجاهلني .. هنا أنا مليت من وضع المزهرية بالبيت فبطلت وصرت آخذ وأعطي معه 😅

ومرة ثانية كذا كنت منفسة ويسألني وأقوله مافي شيء .. المهم سكت عني لحد وقت النوم .. جاء سألني فيك شيء ! قلت لا ! قال طيب الى متى بتصيرين منفسه ؟ سؤاله قصف جبهتي 😂
يعني مو معقول كل يوم تصيرين زعلانه كل يوم ! وأنا ؟ أنا ترى مابي من الدنيا الا وجه أفرح اذا شفته وكنتي أنتي كذا .. اما الحين اعوذ بالله من اشوف وجهك اتغلق ..كل هموم الدنيا فيك .. اذا فيك شيء قوليلي صارحيني خلينا نحل المشكلة سوا وانا احبك وشاريك ومابي من هالدنيا الا اشوف ضحكتك 👍
وأنا بعد تصير لي مشاكل بالعمل كل يوم وعند اهلي احيانا مشاكل لكن ماعمري جيت ونفست عليك لانه مو ذنبك .. فياليت تحاولين بالتغيير .

وعطاني ظهره ونام 😟💔 هنا حط ببطني بطيخه وراح ينام 😟 وأنا جلست تاخذني الهواجيس والافكار وخفت يعرس علي او مدري ايش هههههه والحمدلله تغير طبعي

فلازم تكلمهع بحزم انو يا تعلميني او بطلي عن هالنفسية .. وعلمنا ايش يصير عليك 🌹