في بعض التعليقات !
المهمم هي الغلطانه حتى لوكان فيك شيء معيب
لانها مصارحتك باي شيء عن سبب وهذا احتمال يستدل فيه انو دلع
لو فعلا ماتبغاك كان سحبت نفسها قبل زواج هذي نقطة الثانية !
انت خطوتك سليمة ,,,
بس لازم تفهم حاجه اذا الله وفق بينكم اواذا ماحصل نصيب ,,والله يعوضك بالخير,,
الزواج موبس حب ,,التزام وتضحية ,, موكل اثنين حبوا بعض كانو زوجين ناجحين لان العلاقة لي كانت بينهم مجرد قطعة من شوكلاته يتذوقنها بكلام المعسول وحركات المراهقين

الزواج .. !
بناء أسرة ,, وتحمل الشخص للاخر في الرخاء والشده ,,

احييكم و ارحب بكل الاعضاء و اقولكم جزاك الله خير على النصائح الطيبة

اليوم كانت جلستنا و للاسف كانت فيها الكثير الكثير من علامات التعجب !!!!!!

بشكل سريع دخلنا الجلسه و كانت دعواي /

• تطلب الطلاق
• هاجره لبيتها
• ترفض المعاشرة
• هاجرة لفراش الزوجية
• تكرر كلمة ( ما ابغاك و اكرهك و بعد عني)
• عصبية المزاج و ترفع صوتها

بداءالشيخ بسؤالها انت سويتي كذا ؟
اجابت نعم
قالها الشيخ طيب ليش ؟
اجابت اكرره لانه مو نفس تفكيري و لا هو نفس تربيتي
قالها الشيخ طيب طبيعي تكونو مو زي بعض و كل بيت له اسس و تربية و تخطيط يختلف عن الآخر . و لا تنسي انه رجال ، يختلف بتفكيره عن المرآة و كيف يتصرف .
اجابت يا شيخ انا ما اصلحله ولا يناسبني

قال الشيخ ايش رأيك ؟
قلتله انا مستعد اغير اي شي و نبدأ حبة حبة بالكلمة الطيبة و الرحمة و المودة و بالتفاهم بدون عصبية كل شي يصير .

سألها الشيخ ايش تقولي في كلامه ؟
قالت يا شيخ انا ما اقدر اكمل مع شخص يختلف عني و ما افهمه ولا يفهمني
قال الشيخ
طيب انتم ما جلستوو مع بعض كفاية عشان تعرفيه و تتعرفي عليه حكمتي عليه في اقل من شهر !! ، طيب انتم كنتوا متفاهمين قبل الزواج ايش الي صار ؟
اجابت
لما عشت معاه و شفت كيف انا اختلف عنه كرهته

اصررت على طلب الطلاق و انا ارفض و اطالب فيها

قال الشيخ يعني الرجال شاريكي و حابك و بيغير كل شي تبغي تغيريه و انت رافضة !!!
طيب مافي سبب مقنع عشان تكرهيه !!!

طلبت من الشيخ تحويلها على دار الاصلاح ووافق الشيخ و حولها
و هي ترفض و تتطاول علي بلسانها ( انا ما ابغاك و فارقني و من الكلام هذا )

دار الاصلاح يجيبون لها امرآة ذات دين و متفهمه و تكون لها قدرة في الاقناع و النصح .

و بعد ساعة و نصف طلعت ولا كنها سمعت شي
و اصررت على الطلاق

الموعد الجاي راح تقرر اما الطلاق و ترجعلي كل شي او ترجع بيتها



انا بدأ الشك فيني بعد كل الي سمعته و الي صار
يعني مافي اسباب للكره و اسباب تافه
و صرت اقول في نفسي هيا وحده منها :
يا انها كانت في حرية و حست بأنها فقدتها
او
انها حابة شخص و اهلها رفضوه و تزوجتني عشان تتطلق و ترجع و يتزوجها و اهلها يرضو فيه
او
شافت الزواج هم و تبغى ترجع على العزوبية و كل شي على الجاهز و ما تفكر الا ب النوم و الاكل
او
عندها مرض نفسي و اهلها يخبو علي و زوجوني بالغش


افكاري قامت تتشتت و صرت خلاص لا أبالي تجاهها و صار في راسي اني ابحث عن زوجه ثانية

اوافقك على رأيك و هي الاقرب لحالتي و فعلا انا لاحظت فيها نفس التصرف 👍

مشكلة جيل اليوم من البنات ياخذون الزواج
من باب التجربة وليس من باب المسؤلية تقول بتزوج
اجرب اذا صلح لها الوضع او قالت ما بية
الله يعوضك خير ..
طيب وش موقف والدها اخوانها امها؟

__________________
سبحان الله وبحمده سبحان الله العظيم

الله يصلح مابينكم

طيب ممكن اسالك اش دار بينكم من كلام اول ليله

بعض الرجال يدخل حامي هذا ممنوع وهذا ممنوع وهذا ترا مايعجبني ،،،،،،الخ
البنت هنا تنصدم وتقول انا داخله حياه مشاركه والا سجن وسجاااان

الان البنات تفتحوا

كمان وين الرقيه من حياتكم والله ماعاد احد يذكر الله فانتبه خاصه انكم كنتو تمام

__________________
ان لم تستطع التفاؤل ،،
فلا تخبر أحدآ أنك متشائم .

اختلف معك ,,, الزواج يبغاله زوجين ناضجين ,, لو على كلامك دخل زوجها بهذي طريقة وسمعهاا كلمتين تتانى على اقل لسنة تحاول تغير فيه ,,ماضبط الوضع تقرر بعدها اش تعمل ,, اما انو على طول ابغى اطلق ! سلامات !
طلاق ي عزيزيتي يحدث لشديد القوي مثل لاسمح الله اكتشفت انو صاحب سوابق او تبع مخدرات ,, لان الواقع راح يكون مرير بالنسبة لهااا بعد طلاق ! والواقع يشهد بذلك !
اما مانسبني تفكيره فين كانت ف فترة الملكة !


المهمممم ,, لو اهلها على قولتك غشوك يمكن عندها مرض نفسي او من هذا القبيل ,,
اللوم يكون عليك ,, انا ماني ضد الزواج من عائلات مختلفة لكن اذا واحد يبغى راحته ياخذ وحده من جماعة معروفه لهم ,, لان في زمن هذا للاسف في ناس كثيرة بتغش ,,نسال الله الهداية لهم ,,

فعلاً أصعب شيء ان الواحد أو الوحده ينغش بعد الزواج
وياصاحب الموضوع إن شاء الله يكون خيرة لك اللي حصل

معقوله تحب واحد وتبي اهلها يزوجها فيه غصب!
ما اظن وان كان ف الله المستعان

وبعدين الواحد هذا كان يبيها بنت الحين بيتزوجها ثيب!
ما سالت نفسها يمكن تفرق معه ! او مع اهله!

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

نفورها المبالغ فيه يدل على وجود مرض روحي
مو معقول تكون مقتنعة بالرجل وتحبه قبل الزواج ثم تطلب الطلاق لعدم التوافق والراحة

أشعر ان هناك أمر ما خارج عن سيطرتها
عمل سحري أو مس

فيه حالات كثيرة كذا تنهبل الزوجة فجأه وتتصرف بحماقه وعنف وتسعى لهدم بيتها لأنها مسحوره أو ماشابه ذلك

متأكده لو رقت نفسها بتكتشف ذلك
أعرف أن محد يصدق هذي الأمور إلا من جربها

الله يعينها ويلطف بحالها وحال كل مبتلى

وانا اتوقع فيها شي مو طبيعي
انا كنت كذا اكره زوجي واتلفظ واكبر من ان تتصور بس كنت اقول لزوجي اكرهك بدون سبب والحمدلله استمريت فتره طويله وتعالجت