بالنسبة لسؤالي عن الموقف زين
فالموضوع و اغلب المواضيع هنا عن الحياة الخاصة
فهل تفصيل الموقف يعتبر اخص من الخاصة؟

هذه نقطة.
النقطة الثانية
قد يكون فعلا ما فعلتيه استوجب شرارة غضب شديدة. لا اقول ضرب
و عليه لا تحتاجي لان تناقشي معه اكثر عن وعدك بعدم تكراره. لانه فعلا امر نادر ان تتجاوزيه

لكن ان يكون موقف بسيط متوقع صدوره بتكرار من البشر. فالوعد هنا قابل للنقض. بشكل غير متعمد

__________________

كلامج بلسم يا ضي..
هذا اللي راح اسويه..
باقوم بنفض غبار الهم من علي وبسوي لي نشاط وبعدها بطلع لبيت اهلي بالليل
ابي انسى واعيش... ثقتي برب العالمين انه وكيلي وحسبي وسندي.. وما بيتركني للهم وللضياع

فعلا... اعرف انه متأذي من نفسه
ما راح افتح الموضوع بتاتا
دام انه اعتذر .. رب العالمين بعظمته وجلاله .. يغفر ويسامح مع ان قد يكون بعلم الغيب عنده ان هذا العبد سيعود للذنب
منو آنه عشان ما اسامح عبد لله مثله مثلي..

الله يسمع منج يالغالية

يبارك بعمركم اخوي..
نعم.. وعد الحر دين.. سبق وقلت زوجي مو ملاك
بس فيه من الصفات اللي تخليني اتجاوز
واعرفه ما يوعد بشيء ما بينفذه.. يحس الامر فيه تقليل لرجولته

__________________

حاجة الناس إليكم من نعم الله عليكم ، فـ لا تملوا النِعم ☁✨

مسز داني... لا مو موضوع خصوصية
بس استرجاع الموقف.. يحز بخاطري اكثر
ويخليني اقل قدرة على تجاوز الامر
حتى بيني وبين نفسي احاول ما افكر شنو الموقف اللي صار وخلاه يمد يده
الشيء يعور

ومستحيل ارد افتح الموضوع..
دامه مشى لي خطوة .. امشي له ألف
و دامه اعتذر ووعدني هذا يكفيني منه
اثق به .. اثق انه دام وعدني ما بيكررها
اثق انه مهما صار .. ما بيرفعها

صحيح كلامج يا مسز .. مو فرحانه
صحيح ما كنت متوقعه يعتذر بهالسرعة
وما كنت متوقعه ان يترك شغله عشان يروح يشتري هدية بهالوقت
أو الاصح .. فرحانه .. بس مو وايد
بين الخوف والرجاء
الخوف من القادم .. والخطوات الياية .. مرحلة استعادة زين لنفسها
والرجاء بأن يكون كل شيء أفضل مما سبق

بس مو خايفة منه .. لأنه يخاف الله
حتى لو لا سمح الله الله لا يقوله تطلقنا ... ببقى اشوفه رجال والنعم فيه
ما اقفدر اشوفه غير جذي.. وما يليق له غير جذي
غلط ... وكلنا نغلط
والله يشهد .. ان انه مسامحته من كل قلبي .. وعسى ربي يسامحه ويغفر له
واعرف اعتذاره نابع من تأنيب ضميره

ان شاء الله اكون له خير زوجة وخير صديقة وخير حبيبة
واكون صورة مشرفة لتربية والدي...
وقبلها صورة مشرفة للمرأة المسلمة اللي تحفظ زوجها وما تتنكر له

ادعوا لي ان اكون افضل
الحياة جهاد .. و يبي لي وقت استعيد فيه نفسي
وصحتي

اسأل الله حسن الخاتمة...

__________________

حاجة الناس إليكم من نعم الله عليكم ، فـ لا تملوا النِعم ☁✨