انا نفس مشكلت زوجك .. عندي سكر اجاركم الله جميعا .. وفعلا ما اتحمل النوم بدون مكيف حتى في عز الشتا الان والحراره عندنا حول الــ 14 درجه .. كذلك عصبي جدا ..
هي في البدايه بتكون صعبه شوي لانه الرجل ما يتحمل بعد الزواج ان ينام بروحه لكن بعدين شوي شوي يتعود ..
بس نصيحه لا تهملينه وحاولي اتراعين ضروفه لو زود عليكي المطالب حاولوا تتحملون بعض مالكم غير بعض .. مادري هال للسكري علاقه بس كأنك توصفيني بالضبط لما توصفي زوجك ..
اكيد ما تتنازلين عن حقوقك بس حاولي ماتكثرين عليه اذا كنتي كثيرة الطلب والتدقيق في امور صغيره .. اذا هو من النوع اللي يتنرفز ..
تاكدي انه في داخله يحبك ويموت فيك .. ولما ينام بروحه تاكدي انه يفكر فيك ويانبه ضميره على كل الاشيا اللي سواها معك طول اليوم ..
حاولي تشوفي وين نقطة ضعفه واستغليها عشان تكسبينه .
والله يصلح حالك وحاله باذن الله ..
نصيحه اخيره .. خل يروح يفحص الضغط اذا ممكن .. لانه الضغط وارتفاعه يسبب ها الحاله من الهيجان والعصبيه ..
وبالتوفيق ان شاء الله ..