حبيبتي بسألك
لو قلبنا الادوار
زوجك حس بسخونة
عرضتي عليه تسوين له شوربة ساخنة رفض
اخذ مسكن وتنشط..
وقت نشط كنتي تنتظرينه ع السرير تتفاجأين فيه راح يجهز ملابسه لسفرته لاهله بكرا..
اخذ بطانيته بيكمل سهرته ع المباراة وبينام بالصالة..
كيف بيكون خاطرك ؟!
صحيتوا حصلتيه رجع تعبان وكنسل السفرة..
انتي اكيد بتتذكرين كيف رفض شوربتك امس ورفض ينام معك ومتحمس لاهله بتروحين للدوام اولا لانك مخذولة منه امس ثانيا علشان تغيرين جو النكد بالبيت..
مو هذا اللي بيصير بكل صدق فكري فيها..

وبرضو ياعسل بسألك
من ناحية عملية هل سويتي خطوة للأمام بخصوص وزنك!!
هل قريتي اكثر عن الرجل وتفكيره!!
اشتريتي الكتب اللي كتبتها لك بالموضوع السابق!!

تطور جميل انكم اتفقتوا بخصوص الحقن الحمدلله ربي يرزقكم توأم يملون عليكم حياتكم فرح وسعادة..
بس مازلتي بحاااااجة ماسة للتقدم اكثر...

شفتي كيف التدقيق نكادة وازعاج..
خلاص ياعسل مثل مااكسبتيه التدقيق اكسبيه التغافل وحياة الفلة والبساطة..
ترا صدقيني لو دققتي بمشاكلكم كلها على توااافه
لذلك كنت متحمسة لقرائتك كتاب لاتهتم بصغائر الأمور..