ما فهمتي عليه

اقصد انك قلتي لو بغيضة ((بسويها وانا ساكته ما بكتبلكم هنا ))
وقبلها قلتي شوفوني قلتلكم عن نيتي في قول (لو سمحت لما اكلمه)
يعني تعلمينا بنيتك في اللي تبغي وتسكتي عن اللي ما تبغي تعلمينا نيتك فيه
هذا اللي يفهم "بضم الياء" من كلامك
لت وعجن ادري😅
بس حبيت الفت نظرك ان فيه تناقض مدري احد انتبه له زيي ولا لا

طيب.

باستثناء تعمدي لعبارة (لوسمحت) .. كل التصرفات اللي بدرت مني خلال الشهرين اللي طافوا ولحد اليوم ما كانت نيتي فيها إني أغيظه أو أستفزه أو ألفت نظره أو أجس نبضه أو أستدرجه عشان يكلمني بأي شكل من الأشكال.

والله على ما أقول شهيد.

__________________


اللهم طِيبَ الأثر .. وحُسْنَ الرحيل.

لازم تحلفي على المصحف

يا وسع صدرك علينا يا مهره لو منك قفلت الموضوع من زمان😅
استحملينا

شو أسوي يا طموحة .. أبا الجنة بس.

__________________


اللهم طِيبَ الأثر .. وحُسْنَ الرحيل.

اسال الله ان يجعلني واياك ممن قال فيهم (ادخلوها بسلام امنين )
والجميع يا رب.

آمين آمين.

__________________


اللهم طِيبَ الأثر .. وحُسْنَ الرحيل.

في عَرَض يحصل معاي صار له فترة .. وأمس قررت أروح المستشفى أعمل فحص عشان أعرف سبب اللي يصير لي .. واتصلت وخذت موعد لليوم.


بعثت له اليوم الصبح أطلب منه ييب شما من الحضانة لما تخلص لأني بروح المستشفى وما أعرف متى باخلص. (الدكتورة أحياناً تكون مزحومة ومرات زمان كنت أنتظر ما بين ساعة ونص وساعتين لين أدخل عندها)

بعث لي: ليش المستشفى؟

قلت: ما في شي مهم.

قال: ما سألتج مهم وإلا مب مهم .. سألت ليش المستشفى؟

قلت: ما أعرف شو فيني .. باسوي فحص وبعدين باعرف.

سألني أي مستشفى بروح .. وقلت له.

قال: إن شاء الله خير .. خبريني شو بيصير وياج .. أنا باييب شما وعقب باروح بوظبي. (عادة لما يروح يكون عنده شغل في المكتب الرئيسي لعمله)



قدّر الله إني أخلص بسرعة قبل موعد خروج شما من الحضانة .. فبعثت له إني باروح أييبها .. وهو راح بوظبي.

اتصل .. ورديت. (الحين مبتعثة بتقول ما صدقتي اتصل ورديتي )

سألني شو اللي فيني .. ووين مكان العوق .. وليش ما تكلمت من قبل عشان يوديني المستشفى؟ .. وأنا اختصرت الكلام واكتفيت بإني رحت في النهاية لما شفت الموضوع تكرر كثير.

سألني الدكتورة شو قالت؟ .. قلت له إنها حولتني لقسم الأشعة عشان آخذ صورة .. وعقب بارجع لها لما النتيجة تطلع.

واللي حصل إني لما رحت قسم الأشعة كان زحمة وكان لازم انتظر ما لا يقل عن ساعة ونص .. فعملت موعد ثاني بكرة لعمل الصورة.



العصر بعث لي يسألني: متى موعدج باجر؟

قلت: الساعة 2

قال: بروح معاج.

قلت: لا .. شكراً.

قال: ليش؟

قلت: ما يحتاي.

قال: أنا أبغي.

قلت: أبغي أروح بروحي.


وانتهى الحوار.

__________________


اللهم طِيبَ الأثر .. وحُسْنَ الرحيل.

احلفي

حتى أنت يا بروتوس؟!

__________________


اللهم طِيبَ الأثر .. وحُسْنَ الرحيل.