......

+1

انا لو رديت عليه
بقول له: انت السبب وفعلت فيني كذا وكذا
يقوم هو يبرر ويحملني المسؤوليه
وجهه كان جاد وصارم
وانا مارحت له اتناقش


في تفاصيل كثيره صعب اكتبها
مثلا امس الصباح كاتبه له وهو بالدوام
كلام طويل عريض
ان راحتي بحظنك، وحشني قربك، ابشر باللي يرضيك
وهو رد: يصير خير.. بس!

وبالليل سويت صينيه مكرونه وارسلتها لاهله (امه)
وكنت مبلغتها اني بعشيهم الليله


واخر الليل جيت قربت منه وصدني



اللي يعرف مواضيعي
زوجي طيب وقت الطيب والحنية
وحقود وقت الزعل والمشاكل
يعني للان يذكرني بامور قدييييييمه
اشياء صارت اول زواجنا او بثاني سنه
طيب
هو الحين بيعيد ويزيد باللي صار
وبيختزل الموقف اني صرخت وعصبت
وطلبت الطلاق ورميت الدبله بوجهه

وشايل من رأسه الاسباب!
ما كأنه جلس قبلها 3 اسابيع يغلط ويجرح
كأنه كان ملاك وانا جيت انكد واخرب

اعتقد ان احداث فبراير الاسود بتعيش داخله
عشر سنين قدام
وعلى قد ماتعبت اخر سنتين بتحسين علاقتنا
هو ماراح يتذكر الا هالشهر.. كالعاده

كنافه للي عندو شك سواء فنفسو او اي حاجه تلاقيه جالس في داىره مغلقه بيعمل اي حاجه فسبيل التأكد مايبغى يوصل لحاجه تخذله فاتلاقي ماخذ وضعية الدفاع يعنى لو نقول زوجك شاكك فحبك بتلاقيه فالأمور المتعلقه فيه بينرفزك يبغى يتأكد من شكو مجرد مثال ان شاء الله فهمتي عليا
برضو أسلوبك ياعيني خلي في مرونه مو عشانو لا لحتى إنتي ترتاحي
إِيش رأيك تديلو مويا مقري فيه يمكن تحل شياطينو وأكثري من الاستغفار وربي ماتندمي ان شاء الله نصيحه
ان شاء الله ماثقلت عليكي ياسوكره
الله يفتحها عليكي

__________________
أفضل طريقة للالتزام بالوعد هي ألا تعد بشيء
اللهم صل على نبينا محمد

حطي كلمه زوجك بعين الاعتبار
لما قالك بعدد
ترى الشخصيهً هذي تسويها لكن متردده فقط بالاطفال
تدرين ليه يتردد بحكايه الأطفال
لانه لو تزوج ولقي الحب والحنان عند زوجته
ينسى الاولى تماما
مايعرف يحب اثنين
لانه حساس ومرهف ورومانسي كثييييير
ويبغى حبيبه وحده
حتى حاجته حارم نفسه منها لانه يبغاها بطريقه اسبيشل
غيره أخذ غرضه وأعطاك ظهره
حاولي تغيري من نفسك كثير وتكوني عفويه وخليك افعال يعني بدل ماترسلي ، قوليها وانت معاه بحنيه
كل ماتكتبي كل ماتبان شخصيتك اكثر
كلامه فعلا صحيح وأضح انك عصبية وقويه وعنيده وتصري على رأيك مافي مرونه ابدا تخشي بعينه
وهو مستحيل يعترف يبغى يكون الكل بالكل قدامك وكل الرجال مايحبون كذا مو بس زوجك
مين منهم يعترف بغلطه وقت المشكله؟؟ نادر جدا لكن لما ينحرج من أدب زوجته وهدوءها بيعتذر لها بطريقته بوقت ثاني يااما يلبي طلباتها او يفاجئها بشيء تحبه او يجي يحضنها بوقت ويقول انا زعلتك سامحيني الخ،..
بالتووووفيق والله يفرجها عليك يارب

هذا اخر دخول لي 😊

__________________

يالله صباح خير
ردك قتلني يا سكر
اللهم اجرني في مصيبتي واخلف لي خيرا منها

كنافه زوجك طبعو شكاك عموما ولا بس معاكي بسبب موقف؟

__________________
أفضل طريقة للالتزام بالوعد هي ألا تعد بشيء
اللهم صل على نبينا محمد

حساس جدا مع الكل
لكن مو شكاك

اعتقد لو مافي اطفال كان فعلا طلقني
هو يحبهم وراحمهم
بس كاره امهم
انا طيبه ومتربيه وراقية
بس شخصيتي توكيديه استقلاليه
واثقه جديه صريحه
زوجي مايبغى كذا
وانا ما اقدر اغير خلقة الله فيني
ولما حاولت اتغير
هاجمني بأني: امثل!! امثل الحب والطيبة!!

انا ما احب زوجي
انا اعشقه
وعارفه تماما انه مطمع لأي بنت
هو فعلا رومانسي جداا جدااا جدااا
بعكسي تماما.. انا عمليه
وراتبه عااااالي وانيييييق
واذا حب يحب بكل مافيه
واذا كره يكره بكل مافيه
وألزم ماعليه وناسته وراحة باله


انا احترت معه
وصل مرحله الرفض الكلي معي
وهالايام بادي ييغير اصدقاءه
ملابسه.. سيارته برضو بيغيرها
ملوووووول
واحس مل مني ومن البيت
كل شي يسويه مجامله
مافيه احساس زي زمان

زوجي شاعر.. يكتب شعر
والحين صاير وحش
كل كلامه لي هجاء اعوذ بالله
كنت احس نفسي اميرته
والحين احس اني عدوته
ان بالاصح.. ماعدت اهمه
حساباته وكلامه معي: البيت الاولاد
احس نفسي مجرد مرحلة بحياته
اففف على كمية الكآبة

هو ماقال بعدد
قال لي لما طلبت الطلاق
لاتحسبيني بموت.. اقدر اخذ 4
وكل وحده مهرها 100 الف
وبيدللوني ويريحوني


قال هالكلام لما قلت له ما ابيك طلقني
كنت منهاره وقتها
ورديت عليه: اوكي الله يهنيك!!

بعدين كذا مره قال لي
انه يتمنى لو متزوج وحده مافيها جمال بس انثى


يعني حتى جمالي صار مايشوفه شي
وانا كنت متوقعه بيحبني لاخر يوم بالعمر


واذا على الاطفال
فهو اللي يبيهم مو انا
حتى لماقلت له انت باقي علي عشانهم؟
حلف انه بيجيب مني اكثر من هالاثنين
وانه هو اللي يدير حياتنا مو انا
لاني وقتها قلت: انا اكتفيت باثنين


ما ادري ماني قادره افسر تصرفاته صح
وماعندي رغبه ولا قدره اواجهه
لانه مستفزززز ويعرف يستفزني
اخاف يرمي كلمه وانفعل انا لاني مشحونه
وتكبر الحريقة اكثر واكثر

الله يعينك إلجأي إلى الله وحده هو الي قادر يحل مشلكلتكم ويطفي الي في قلوبكم .
الكلام والرسايل ماينفع ركزي على الأفعال لما تجلسون على السفره أكليه بيدك لما تقهوون إلصقي في جنبه حطي كتفك على كتفه خليه يحس بقربك لما تسولفون ركزي في عيونه وحاولي تكون نظرتك نظرة حب وشيلي الأفكار السلبيه من راسك مسحي على كتفه مسحي على شعره على يدينه حواجبه خلي تصرفاتك بعفويه .

__________________
الحمدلله حمدا جزيلا ...