بصراحه زوج اختك غلطان ، يعني هو أكيد عارف ان الزوج له غيره ، وإذا احد عمل نفس الحركه مع زوجته أكيد راح يتضايق ، خاصه انه كما قلت اختار ايام غلط ووقت غلط يعني اختك او أمك ما اتصلوا في هذا الوقت ، وزوجك ايضا تسرع ، وانت ايضا تصرفت خطا بردك على زوج اختك مره ثانيه ، يا صاحبة الموضوع هو ما اتصل مره ، بل أعاد الاتصال ، وانت على كلامك لِسَّه ما قلتوا بِسْم الله. لا تشتري خاطر زوج اختك ، على زوجك ! ، حاول تتداركي الامر بخبارهم بما حدث حتى يتفهموا الامر وترجعين لزوجك .

انا قلت انه اختي اللي تتصل واحيانا هو يتصل .. بها المره اختي متصله واهو معها وتكلمنا تقريبا حول النص ساعه .. مو هو اللي متصل لحاله ..
ثانيا الكل اتصل علي امي وابوي حتى في اول ليله .. بس ماكان له داعي اذكر ها الشي في الموضوع ..

عاشقه انتظري وما تكلمي احد قبل ما نتفاهم هنا حبيبتي

بدي نتفق بالبداية انه احنا هنا مو من أجل نقول هذا غلطان وهذا مو غلطان

المشاكل الزوجية بأغلبها الأعم يكون الخطأ مشترك

خل نتفق انتي شو فهمتي لحد الان بالنسبة لطبيعة علاقتك مع رجال عيلتك الغير محارم ؟؟
1- كيف ناوية تتعاملي معاهم لو رجعتي .. شو الحدود اللي ناوية تحطيها عشان تستمر حياتك الزوجية وعن قناعة وتكوني مرتاحه بتطبيقها ؟

2-وكيف ناوية تتطبقيها ؟

ايوا ادري .. بس قل شوي الخطا اللي علي وهذا اللي كنت محتاجة له في البدايه لاني كنت في ضيقه ما يعلم فيها الا رب العالمين ..
انا اللي فهمته من علاقتي مع نسايبي انها عاديه بس تكون بحدود واللي زوجي ابدا ما حبها .. يعني انا رايح احاول اقلل منها قد ما اقدر وان شاء الله الكل يتفهم الوضع خواتي وامي وابوي وزوجي والكل الكل ..

انا اللي حاز في خاطري حتى لو اني رجعت .. كيف راح اتعايش مع رجل طلقني في بداية زواجي .. احنا متسترين على الموضوع .. بس اكيد الناس راح تدري ..

من وين راح تدري ؟
لا ان شاء الله ما حد يدري وحاولي تحلي الموضوع لحالكم مع زوجك
ابد]ي الحل من انك فهمتي نظرته واقتنعتي فيها

انا مضطرة اطلع الان وربي ييسر لك

شكرا لج اختي ماقصرتي معايه ..
ان شاء الله محد يدري وهذا اللي اتمناه .. لاني حابسه حالي في البيت وفي غرفتي صار لي الان هذا الاسبوع الثالث تقريبا يعني بعد اسبوعين واكمل شهر ..
انا فاهمه نضرته .. وان شاء الله بقنع نفسي انه اللي يقوله زوجي اهو اللي لازم يمشي ..