يسلموووووا - شوووووق -

.
.

أحب الإستعانة بالأخت ( مهرة ) ..

ابغى اعرف كيف قدرت تتعايش مع أهل زوجها ماشاء الله ؟

متابعة من زمان يا روح.

وشاكرة ثقتج فيني.


بس لو تلاحظين غالباً ما أشارك في مواضيعج الخاصة بأهل زوجج .. لأني بأمانة ما عندي شي أقدر أفيدج به ... أهل زوجي أساساً طيبين وما عملوا معاي حركات من أول ما دخلت عليهم.

بالعكس أنا في البداية اللي كنت متخوفة وكان فيني ـ بيني وبين نفسي ـ شوية سوء فهم أو سوء تقدير من كثر القصص السيئة اللي كنت أسمعها عن أهل الزوج .. بس الحمدلله ما صارت مشاكل أو صدامات أو زعل بينا أبداً.


الخلاصة .. أنا متعايشة مع أهل زوجي لأنهم زينين .. مب شطارة مني.

__________________


اللهم طِيبَ الأثر .. وحُسْنَ الرحيل.

.
.

مو مشكلة مهرة ..

خليك بليز معايا .. لو حسيتي ممكن تفيديني بتعليق !؟
لو مافي .. تكفيني متابعتك لي ..

يمكن اكون زودت المعيار معاهم حبتين !؟

اقتباس:

المشاركة الأصلية كتبت بواسطة روح الطير . . مو مشكلة مهرة .. خليك بليز معايا .. لو حسيتي ممكن تفيديني بتعليق !؟ لو مافي .. تكفيني متابعتك لي .. يمكن اكون زودت المعيار معاهم حبتين !؟

حاضر حبيبتي .. إذا مشاركتي بتكون مسموحة وعندي شي ممكن ينفعج ما بتأخر.


بس مبدئياً

أحياناً أحس إن طموحج في أهل زوجج عالي شوي رغم إنج المفروض عارفة إن تحقيق هالطموح صعب.

إنتي دخلتي عليهم وعرفتي أطباعهم .. فالمتوقع إنج تبنين علاقتج معاهم على هذا الأساس .. مب تتمنين أو تحاولين تغييرهم عشان يتوافقون مع طبعج وشخصيتج الساعية للسلام.

مهم طبعاً إن الواحد يعيش بهدوء وبدون تلف أعصاب .. بدون مشحانات وحركات نص كم واستهانة وتهميش .. لكن إنتي عندج ميزتين مهمتين المفروض إنهم يخففون عليج شوي وما يصير تتغافلين عنهم:

أولاً: إنتي فعلاً شخصيتج قوية .. وتقدرين تاخذين حقج .... صح مزعج تتعاملين مع ناس يخافوا ما يختشوش .. لكن ترا مب أي حد أصلاً يعرف يتعامل مع هالفئة ويحقق نتيجة ترضيه.

ثانياً: زوجج معاج وفي صفج ومخليج على راحتج .... زوج غيره بيكابر وبيوقف مع أهله حتى وهو متأكد إنهم غلطانين 100%


فأنا أشوف إن الحل مب إن أهل زوجج يتغيرون .. لأن هذا صعب ومب في إيدج ولا مسؤوليتج أصلاً .. لكن الحل إنج تتعاملين مع كل موقف سيء أو مشكلة تحصل منهم بطريقة تطلّعج كسبانة وبدون ما تخسرين شي مادي أو معنوي إلا بمزاجج وبإرادتج ..... واللي أشوفه إنج تحققين هالشي فعلاً.

__________________


اللهم طِيبَ الأثر .. وحُسْنَ الرحيل.