الأفضل تكلمينه وجها لوجه ، إدخلي عنده وقولي بأكلمك في موضوع وإعتذري له عن الكلام الي بدر منك وقولي أنا زعلانه من الوضع الي وصلنا له من جفاف وتجريح ووضحي له الأشياء الي تضايقك منه وقولي له يوضح لك الأشياء الي تضايقه منك وتعاهدو على الحب والتفاهم والصراحه .
وإذا لاحظتيه معصب ومتنرفز خليك هاديه .

__________________
الحمدلله حمدا جزيلا ...

دخل ينام من بدري .. هل أكلمه الصباح او ارسله رسالة تمهيد الان واكلمه في الصباح..

بصراحة خايفة من ردة فعله وعصبيته وتجريحة لاني علطول دمعتي تنزل وماعاد أقدر اتكلم

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

روحي كلميه
يمكن ما استغرق بالنوم
خليك هادية
و بصراحة يا لست كغيري
انت ببساطة الموقف اللي واح حطيتي له البطاقة او الفلوس دون تردد
الحين الكلمة ليش ما تطلع الا بالغصب.

__________________

لاني خايفة من ردة فعله .. وخايفة يظن اني مصلحجية وبس عشان المقابلة جالسة اتودد له .. ماأبي أزيد الطين بله .. لو ماهو الموقف حق المقابلة كان تشجعت .. ترى موقفي صعب

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

يعني لما تسكتي
تكلمي اخواننا راح ينقهر؟؟
غمضي عيونك و جري رجلك. و روحي د

__________________

حضرت رسالة طويلة عريضة مو ارسلها افضل والصباح اكلمه فيس تو فيس .. وش رأيك

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ممكن تشاركينا اياها
اخاف تجيبي العيد فيها
و اختصري الرجل ما يحب البربرة مثلنا

والله بربرة واجد

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ماكلمت احد ولا بكلم احد .. إذا ماوديتني أنت ماأبي أحد يوديني وماأبي اروح أصلا إلا معك .. لانه ببساطة انت زوجي حبيبي واللي مالي غنى عنك ومالك غنى عني وإللي كنت وبتكون معي في كل مراحل حياتي ونجاحاتي مثل ماكنت وبكون معك واللي لك الفضل بعد ربي ووالديني في كل نجاح في حياتي .. ولا تظن ابدا إنه مايبين في عيني .. يشهد الله إني مقدرة كل وقفة وكل أمر قدمته لي وإذا تبي اعدها واحصرها راح اعدها بالرغم إني ماراح احصيها .. لكن من جد متضايقة على وضعنا .. وأنا هنا ماابي احط اللوم على طرف وبنفس الوقت ماأبري نفسي .. أنا كلي عيوب وكلي اخطاء .. وكلنا اخطأنا .. بس الخطأ الاكبر إننا نوصل لمرحلة ماعاد نثق في حاجتنا لبعض وفي حبنا لبعض وفي تضحياتنا .. كثير لحظات ودي اجي ونتكلم ونتصارح ونتاقش ونتعاهد إن اللي وصلت له حياتنا يتغير وماعاد ينعاد بس خايفة من ردة فعلك وتجريحك خايفة انهار قدامك لانك تعرفني من داخل ضعيفة ومااتحمل هالشيء .. قلت ارسل لك هالرسالة اللي ماأبيك ترد عليها يكفيني إنها توصلك وتقراها بقلبك قبل عيونك اللي ادعي ربي ليل نهار إنه مايحرمني منها ويخليها لي ويجعل يومي قبل يومها لان مالي احد من بعدها ..يمكن من خلال هالرسالة يوصلك الشيء إللي بداخلي .. ولاتظن هالكلام عشان توديني المقابلة يشهد علي ربي لا ماتهمني المقابلة وماتهمني الوكالة قد ماتهمني انت ورضاك عني.. لان حياتي معك واستقرارها اهم من كل شيء بالدنيا .. مع إني متاكدة وواثقة إنك تهمك مصلحتي وتهمك راحتي ويهمك رضاي .. قلت لك ومازلت أقولك إن ربي اختار ابوي وفقدته بس ربي عوضني فيك الاب الطيب الحنون اللي ماعرفت ولا حسيت احن منه وربي يشهد علي .. بس لما تعصب وتجرح ماأحبك ترى.. ترى والله مالي غنى عنك .. وعارفة ومتاكدة إن مااحد بيفكر فيني ويشيل همي ويدور مصلحتي مثلك .. وأحيان افعالي او اقوالي ماتدل ابدا على إللي بداخلي من قناعتي بهالشيء .. مثل ماني متأكدة إنك عارف ومتاكد إني أقرب الناس لك وتهمني مصلحتك ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

خلاص كنسلت الرسالة ماراح ارسلها .. راح اتكلم معه الصباح وجه لوجه

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..