الله يسهل امرك و ينور دربك
شوك
هذه حياتك انتي مو حياة اي منا
احنا نساعدك و نعطيك زوايا مختلفة و احتمالات
بس انتي ،انتي و بس صاحبة القرار النهائي

لكني أشوف نفسي سيئة في اتخاذ القرار المناسب
كل اللي أعرفه عني إن بداخلي كمية نفور وكره وعدم تقبل فكرة العودة له
ماني قادره أسامح وما عاد عندي القدرة أو المساحة الكافية للصفح
بس من وين أبدا وكيف أبدا؟!!
ما أدري؟!

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

ربي يلهمك صواب القول و العمل
استخيري في كل خطوة و لا تغفلي عن الصدقة و الدعاء
شوك هل عرضتي عليه زيارة طبيب نفسي ؟

__________________

لا
ماعندي رغبة أعرض عليه ولا ناي قادره أتقبل فكرة الرجعه له

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

ممكن تروحي لاستشاري
او اختاري الاخ بليغ في قسم الاستشارات
ودعواتنا لك

اسمحوا لي أبكتب شوي ، بعدين أرد عليكم

كل مرة أستخير أخلي المحامي يبدأ وشي يردني !
أقول بنفسي خير يا شوك " لعلها خيره"
لكن أشوف مضايقاته لي ، وأنقهر على نفسي وأموت
كلم السايق اللي يوديني شغلي ما عاد يوديني! كنوع من الإرهاب والتضييق
وجا الصبح البيت يتوقع إني ما داومت وما لقيت حد يوصلني
لكن انصدم إني بالدوام
هدد وأزبد وأرعد وماحد رد عليه ولا عبره
الظهر صادف جيته للباب وصول المطعم وأخذ من بنتي مفتاح الباب وقال قولي لماما مارح أرجعه لغاية ما تطلع أكلمها!!
هددته بالشرطة واتصلت عليهم ورجع المفتاح
دخل وأنا نايمه جنب ولدي ومهدود حيلي من الدوام وبدأ بهذرته المعتادة من 9 سنوات
وقام يقدم اللعذار الواهيه انه سوى عمليه وسافر لاهله وما قدر يجيب ذهبي والمصروف
كرر نفس السؤال وش تبين
والجواب ذهبي ومصروف عيالك
كم تبين
شوف أنت؟!
طبعاً يببني اقترح مبلغ عشان يقول لا
بس حفظته عن ظهر قلب في اللف والمراوغه والدوران!
حلفني بعيالي!!! منو اللي مغيرني عليه
وإنه آخر مرة كنا متفاهمين!! وكلام ما أدري من وين جابه
ما أبيك ، ما أبيك
انتهى النقاش بحركة مستفزة منه وهرب زي ال..... الخواف!!
أقسم بالله ماحد أكرهه في هالحياة كثره
وماحد أمرضني واتعبني كثره وماحد أتمنى رب يتسلط عليه كثره!!!

تعبت منه
وحتى من مشاعري تجاهه!

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

ليش مستغرب من تغيرش له ؟

مو اول مره تزعلين منه وتقعدن عند اهلش .. 9سنين بينكم شد وجذب هالمره متخيل ان احد يعبيش عليه ؟!

هو مو شايف انه غلطان وانه سبب كل المشاكل .. ما اعرف ليش متنكر ومنصدم هالمره

ترى مو غريبه عليه هالهجر منش

__________________
وهل من مصير اخر ؟

لأنه إذا زعلت وتركت البيت عادة حدي اربع ثلاث شهور ونتراضى
لكن هالمرة رح أكمل ست شهور ما نفع معي كل محاولاته
لأن هالمرة زعلتي متصاحبه مع رجوع علاقتي بأختي فيعتقد إنها هي اللي ورا هذا كله.
بداخلي " تشبع" هو مو راضي يستوعبه
أقسم بالله أحس بضييييييق إذا فكرت في الرجعه وفي حياتي سابقاً معاه
عندي قناعه هذا هو وما رح يتغير وتصرفاته وأخلاقياته زادت سوء بدل ما تتعدل!!
محسوب علي رجال واتأمل منه أشياء ما يبي يسويها بمزاجه لأنه ياخذ ما يعطي، فليش أتلف أعصابي بوجوده في حياتي ووجوده زي عدمه!
عشان عيالي؟!!
طيب عيالي كذا بيخسروني أنا ويخسرون صحتي النفسية
من ولدت أمير ورجعت له وأنا غير وهو بنفسه يقول هالشي
خلاص عاد ، لي متى الاستنزاف

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

خلاص يا شوك لا تردين له وما في قوه تجبرش على شي ما تبينه

خلي الامور مفتوحه تطول ولا تقصر .. لا تدورين على حل واعتبري نفسش في اجازه مفتوحه منه

هو بس يبيله رجال يوقفه عن حركاته الي ما لها داعي

__________________
وهل من مصير اخر ؟

شوفي اذا مالك نيه ترجعين ابداً
فخلصي امورك من اللحين وخصوصا المحكمه
لان ليلهم طويل
يعني لك ست شهور تحترينه يستوعب ويبي له مثلهم زود
وفي حال ما اقتنع
ما يصير قدامك الا المحكمه والمحكمه يبي لها سنه ونص فما فوق
وبدل ما تختصرين تكونين طولتيها وهي قصيره