بالنسبة للتوحد .. الدكتور قال يجي من تركيزه على شي واحد .. وحتى واحد من الجماعه جاه من طيور الجنه بس يتابعها وكل تركيزه 24 ساعه عليه .. يعني الاشياء اللي يتعلق فيها راح تبعده عن الاطفال وعن اهله و يجيه توحد .. ولد اخوي معلق عالسيارات وحيل متعلق فيها واللي ياخذها منه يجلس يصيح ويضرب نفسه بعنف على الباب او على ارض او طاوله وكثير جته اصابات لان الاطفال يعاندونه مرات ويسحبونها منه ولما يشترون له العاب ثانيه مايبي ويكسرها بنفس الوقت .. اما بالنسبه لبنت اختي عارفه ان الدلع هذا راح يطلع عليها بعدين بس غصب عني ادلعها واحبها وحتى لما تزوجت ماتركت اهتمامي فيها وبالعكس زاد وصرت اشتاق لها وماروح لهم الا وانا معي شي لها .. لأن امها وابوها منفصلين من لما اختي كانت حامل فيها .. و جابتها عندنا وحيل تعلقت فيها وربيتها مع اختي وفوق هذا كله مريضه ومرضها يأثر على أي ردة فعل قويه تدخل العنايه عشان كذا ادلعها قد ماقدر وخاصه ان ابوها لاهي مع عياله من زوجته الاولى وهي عايشه وحيده عشان كذا اعوضها حتى ماتحس بنقص لما تشوف بنات اخواني وخواتي عندهم وهي لا .. وبعيد عن هالموضوع .. انا فيني حب للاطفال ومستحيل ابخل عليهم بشي مهما كان .. وبالنسبه لصاحبة الموضوع مثل ماقلت لك نوعي بألعابه بس اهم شي ابعدي عن الخاصه بالبنات اللي ماحد يستخدمها الا البنات .. مثل مكياج وغيره .. اما الطبخ للبنات والعيال عادي .. ولا تعودينه على السيارات هو الحين كبير ماشاء الله حسبته اقل من 3 سنوات .. اما 5 بكره يحب التفحيط و نهاية التفحيط معروفه الله يحمي ولدك .. و لاتجيبين له العاب رشاشات ومدري ايش يطلع عنيف و لما يكبر راح يصير اللعب واقع .. يعني نوعي له مثلا هاتي له دراجات و كوره و حتى سيارات وهاتي له مسبح مليان كور ملونه و سبورة و تركيب و شغلات رسم وفيه العاب اشوفها دايم عند عيال خواتي رجل آلي ومدري ايش وبما انه 5 اهتمي بالالعاب التعليميه لان عمره مناسب لهالشي .. الله يحفظه لك .. ومثل ماقالوا لك ترى رضا زوجك اهم يعني عطي اللعبه اقرب بنوته لقلبك بس قبلها قولي لزوجك خلاص اللعبه بعطيها فلانه .. و صالحيه