بالنسبة لي بتعامل مع الناس باخلاقهم وانسانيتهم بغض النظر شو التزامهم
عندي عمتي وعمتي اتزوجوا رجال مش متدينين ابدا وعماتي الحمدلله متلزمات
وعمتي الكبيرة زوجها التزم من فترة قصيرة جدا من بعد زواج 22 سنة وماشاءالله عليه بينحط عالجرح بيطيب قد ما قلبه طيب وكريم وخلوق وبس كان ناقصه الالتزام وبيكون ابن خالها يعني بتعرفه منيح
وبعمره ما اتدخل بتربية بناتها حجبتهم بعمر ال9 سنوات وعلمتهن كل شي بيتعلق بالصوم والصلاة والعبادات
وكمان عمتي الثانية من تلات سنين التزم زوجها من بعد ما صار صحبة مع زوجي ونفس الشي بعمره ما اتدخل بتربية الاولاد من ناحية الدين وخاصة اهله ملتزمين وكمان بيكون صديق عمي وبنعرفه وبنعرف اهله معرفة عميقة

اما عمي ابو زوجي للآن غير ملتزم الله يهديه بس بعمره ما اذى احد من الناس وعنده اربع شباب ملتزمين وثلاثة منهم حجاج

بس هالشي مش قاعدة عالكل
لانو في حال تم الزواج من شخص ما في معرفة عميقة له ولعائلته هون ممكن يأثر عالاولاد من هالناحية

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه