الطبطبه يخليها تتمادى ؟!
توني انتبه على هالنقطه لاني دايما اطبطب عليهاوتزيد بكا وصراخ ودلع ... الله يسامح ابوها هو السبب بدلعها هذا ...

اذا كان من غير غلق الباب سأفعلها ان شاء الله..

هل خطأ ان يتم اسكاتها ومراضاتها بشيء اخر ؟

مثلا لها يومين تبغى شي محدد مثل فقاعات الصابون ... وهالشي مستحيل نعطيها لان مره شربته ... وامس ابوها اخذها واشترى لها شنطه والعاب وسكتت ... وشرطت انه يجيب لها في العيد ... هل هذا يفسدها ؟ لاني قلت له مايصير تعودها على كذا كل مابكت تعطيها شي ... يقول رحمتها لها يومين تبكي ..

بكاها وصراخها مزعج مزعج ولا استطيع ضربها ..

اشكرك عزيزتي

__________________
-

فأجبر خَاطري .. بفيّض نعَمك ❤ ....

حبيبتي سمورة..

ما لفتني أنكِ عندما اشتكيتِ لزوجكِ من ابنتكما قال لكِ: هي طفلة خليها .... وإن أخطأت عنده يعصب ويصرخ عليها وقد يضربها!!!


هل تظنين أن زوجكِ قد يعوق محاولاتكِ لضبط البنت وتعديل سلوكها؟

__________________


اللهم طِيبَ الأثر .. وحُسْنَ الرحيل.

تصدقي يامهره .. انا برضو بنفسي اقول كذا وبعدين اقول يمكن انه يتهيأ لي ... في كثير مواقف تثبت هذا الشي ... وتكلمت معاه اقوله غلط تربيتنا للبنت ... يقول اتركيها علي ورح تصير احسن بنت بالدنيا ! .. خايفه تخرب بسببه ...

قبل فترة طلعنا وطلبت بطاطس مقليه وهي اذا اكلت شي مقلي وكثرت منه يجيها الم بمعدتها فأنا رفضت ... قلت له لا تجيب لها وهي جلست تبكي وتصرخ طول الطريق ... ورجع نزلها واشترى لها ... ورجعت يوم الثاني تقول انا ماحبك احب بابا !... طيب ليه كذا !؟ ..

انا قريت كثير عن تربية الاطفال والتعامل معهم .. وان لازم يكون كلمة الام والاب وحده للطفل... وللأسف احنا نعمل العكس !

وقبل كم شهر كنت في بيت اهلي وهي تهاوشت مع ولد اختي على العاب وضربته ... ولما رجعت اابيت اشتكيت لزوجي وقلت له عاللي صار يقول برافو عليها تدافع عن نفسها ... ونفس الموقف مر على بنت اخوه وبنتي ضربتها قام زوجي ضربها وقالها عيب وعصب عليها !

مدري كيف اتعامل معها اذا بصلحها من جهه ... ابوها رح يخربها من جهه ثانيه

اشكرك غاليتي مهره

__________________
-

فأجبر خَاطري .. بفيّض نعَمك ❤ ....

سمورة

الطفل العنيد .. لا تقابليه بالعناد ..
لإنه عنادك له ، يخليه يزيد عناد ..

عامليه باحتواء و ليس الطبطبة ..

يعني مثل موضوع البطاطس ، هي طفلة و مشتهية البطاطس و ما راح تفهم انك تبغي مصلحتها ..
كان ممكن تشتروا لها ، و بعدين بدون ما تنتبه .. تقللي كمية البطاطس و تضحكي على عقلها ..

فعلا إذا عاندناها تعاند أكثر... اشكرك عزيزتي

__________________
-

فأجبر خَاطري .. بفيّض نعَمك ❤ ....

الله يصلحها يارب
سوال هل عودتيها من صغرها
انك تعطيها كل شي تبيه؟
هل عودتيها لما تبكي بسرعه تجري لها
تحضنيها وتسكتيها وتعطيها الشي الي بكت عشانه؟

__________________
سبحانك لا اله الا انت اني كنت من الظالمين

اميين يارب ... اشكرك جدا

نعم عزيزتي ... لكن الآن تغير الوضع .... لا اعطيها التي تريد مهما بكت ... صحيح إذا بكت احاول أهديها واحظنها حتى الآن...

__________________
-

فأجبر خَاطري .. بفيّض نعَمك ❤ ....

توقعت 😁..

اولا لازم تتفاهمي مع زوجك
على طريقه للتعامل معاها لانه التناقض يضرها
اتفقو اذا هو مثلا صرخ عليها او شي لا تتدخلي
ونفس الشي معاك اذا شديتي عليها لايتدخل
اذا حد عنده تعليق ،، ليكون بينكم بعيد عنها


ثانيا .. الطناااش الطناااااش
اذا طلبت شي وانتي تشوفيه مش كويس قلتي لا
طبعا بتبكي وغيره .. طنشييييي
كانت بنتي بدت هالمرحله من فتره بس على خفيف
وبسرعه لحقتها .. اخليها تبكي تبكي
تحي تزن جنبي ترجع تبكي وانا احاول ادخل نفسي بعالم ثاني 😁

او بكل بساطه احملها لغرفتها واقولها بهدوووء بس تخلصي البكاء تعالي
وكل ماخرجت ارجعها ( بنتي بعمر بنتك)

بس تهدا بعد فتره اجلس معاها واقولها
ماما تحبك وانتي شاطره لكن الشي الي تطلبيه لا
لانه كذا وكذا .. لا تتوقعي انها ماتفهم .. هي تفهم وهي كمان فاهمه
انه بالبكاء تضغظ عليك ..

مره على مره على مره فهمت انه اسلوب الصراخ والبكاء وغيرو
مابينفع معي وبدت فترات البكاء تنقص وتنقص .. لغايه ماخلاص تعلمت
لقلت لا يعني لا وهي فاهمه انها مهما سوت ماراح اغير رايي

فا الحمدلله ارتحنا من البكاء ..

لا تصرخي عليها ولا تضربيها ولا اي شي
هو التطنيش لغايه ماتسكت لحالها وشوي شوي بتتعلم
ان هذا الاسلوب ماراح ينفع


الشي الثاني عشان تخففي من كلمه لا .. اوعديها بشي ممكن
مثلا ابني عمره 8 طالب ايفون 😂
قلت له من عيوني اول مايصير عمرك 16 سنه بجيب لك تلفون

بنتي طلبت ايباد 😂 قلت لها من عيوني اول مايصير عمرك 16 وتصيري
كبيره زي فلانه بشتري لك احلى ايباد
عشان بس ماتكون اجابتي دايما لا لا لا
اعطيهم الايجاب بس بشروط


الله يصلحها حبيبتي وتشوفيها احلى عروس

__________________
سبحانك لا اله الا انت اني كنت من الظالمين

ربي يجزاك خير عزيزتي

قبل شوي تكلمت معاه ويقول إن شاء الله... بس رح أظل وراه الين نقدر نتعامل معاها ونكون متفقين على كلمتنا عليها .

مشكلتي اكره صوت البكا والصراخ عشان كذا زمان إذا قلت لها لا وبكت على طول اعطيها اللي تبغاه ... لأن تجي تبكي بإذني ... فماتحمل صوتها ... رح اجرب إدخالها الغرفه ...


الأحظ عليها انها تفهم بس عنيدة تبغى تمشي كلامها علي ... إذا قلت لها بعدين أو بكره يزيد صراخها أكثر تقول لا مو بعدين الحين...

ان شاء الله بجرب نصايجكم

اشكرك جدا وربي يحفظك أطفالك من كل شر ويهديهم

__________________
-

فأجبر خَاطري .. بفيّض نعَمك ❤ ....

وقت اللي تبتسم امدحيها بقوووه ومن قلب قولي لها شوفي ابتسامتك جميله وانتي جميله اذا ضحكتي اذا بكيتي تصيري موحلووه