السلام عليكم

تقبل الله منا ومنكم صالح الاعمال

أختي الزوجة هل تزداد عصبية زوجك في رمضان؟
وكيف تواجهينها؟

وأنت أخي الزوج هل عصبيتك في رمضان جاءت من تراكمات بداخلك على زوجتك أم لا؟

بصراحة زوجي الايام الاخيرة زادت عنده العصبية وانا عارفة إنها بسبب السكر وبسبب قلة نومه وذهابه للدوام وعشان كذا قاعدة اطنش .. بس من جد صار الوضع مايطاق

يعني مثلا قبل شوي على الفطور كنا نأكل مكرونة بشاميل .. أكل شوي ووقف .. قلته مااكلت .. قال لا خلاص .. أكلت شوي ووقفت .. رجع ياكل هو .. فانا قلت له طيب كان اكلت (لان راح تفكيري إنه يبي يخليها لي) فقال يعني منتي عارفة اني ماابي اكثر عشان السكر لايرتفع يعني باقي ماعرفتي وش فيني .. قلت خلاص معليش .. قال معليش وهو يتشدق .. رمى الملعقة في الصحن وراح يصلي .. ورجع من الصلاة دخل ينام..


أنا ماأعرض مشكلة بقدر ماأعرض حالة وصلت لها حياتنا .. مااعرف هل هذه الحالة عشان الوضع برمضان لأن السكر صار يرتفع عند زوجي كثير من الفطور .. وصرت مااسوي له الا شيء بسيط .. وعشان قلة نومه لأنه يداوم برمضان .. أو هذه الحالة راح تصير عنوان لحياتنا .. الله المستعان
نصائحكم

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

اللي تسوينه مع زوجك تحقيق ماهو سوالف..طيب خليه براحته يأكل او مايأكل..وبعد ماتثيرين اعصابه تقولين ليش زوجي عصبي

__________________

طعنة العدو تدمي الجسد،وطعنة الحبيب تدمي القلب

معقول هو فهمها على إنها تحقيق .. طيب دايم كذا نتكلم وعادي ..

يعني معقولة ازواجنا يبوننا ريبورتات مثل الالات لها برمجة معينة نمشي عليها ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

طبعاً لايعقل ان الزوج يرغب ان تكون زوجته آلة ولكن في مثل هالوقت بعد صيام 15ساعة هل يعقل ان الشخص يتقبل اي كلام يقال له..حتى السوالف والضحك له وقتها ماهو كل ماطرت على الشخص قالها

__________________

طعنة العدو تدمي الجسد،وطعنة الحبيب تدمي القلب

تحملي
والله يعينه ويشافيه

نعم زايدة عصبيته خصوصا اخر النهار

احاول اتجاهل عصبيته وكأنها شيء طبيعي بكل البيوت
اقلل الاحتكاك فيه قد مااقدر
صرت افتح له مكيف مجلس النساء علشان يبعد عن ازعاج العيال بالصالة وروائح المطبخ هالاشياء توتره..

وعلى فكرة زوجي مايكل الاحبتين او 3 علشان الدايت ماالزم عليه لانه برضو يعصب انه المفروض اكون فاهمه نظامه الغذائي..

معروف ان مريض السكري يصير عصبي و يتعب في رمضان خاصه

و دامه مريض حاولي تتحملي عصبيته و تحتسبين الأجر

الله يشفيه

الله يهديك و يعين زوجك و يصبره
كلامه جداا منطقي يعنى جد ماتعرفين ايش فيه ؟!!

وبعدين ليش مسويه له مكرونة بشمل و انتى عارفه انها ماتناسبه ..!!
و بعد تاكلين مافكرتي فيه ... ^_^ كان سويتى مكرونة ساده اقلها ..

زوجك معه حق يعصب اولا السكر ثانيا اكل مايناسب مريض السكر
وثالثا اسئلة مادرى ايش اسميها صراحه ...

لازم تنتبهين لاكله ويبتعد عن التمر
اعملي اكل خاص له
الحمد لله زوجي مو عصبي
بس ابتعد عن اي شيء ممكن ينرفزه
بس انا اللي صرت اعصب
من دخل رمضان مانمت ساعتين على بعض
ونومي بعد العشاء لحد 12

لا حبيبتي أنا منتبهة لأكله الحمدلله .. والمكرونة جاتنا من جيراننا .. أنا كنت مسوية خضار وخبز بر .. ولما جات المكرونة قلت له هذي المكرونة لي انت ماتصلح لك .. أصر الا ياكل وقال خلي الخضار لبعد العشاء .. اكل وصار اللي صار

بعدين انا ماعارفة وش فيه وكلامي شفت إنه عادي ماكنت اقصد إنه ماعرف وش فيه..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..