السلام عليكم



كل مافي الامر امس كنا نسولف في الواتساب
ومزحت مزحه صغيره
وهي إني قلت له بكره ابروح زواج قال لي وين قلت له في الرياض على سبيل المزح
قامت الدنيا عنده انتي كذابه وانتي مريضه وانتي وانتي
قلت له هدي هدي امزح معاك مالها داعي
كل هالدراما وبعد ماقال كل خرابيطه
قال يلا باي انا مو فاضي
انغبنت انا وقررت ارسله كلام بالواتساب
ومتى ماقام يقراه.
ارسلته وقلت له كل اللي بخاطري
والاهم اني انا صابره على سفره وبعده المفروض القى شوية تقدير وإهتمام
وكلام كثير بدون ما اغلط عليه والله

قمت لقيته مرسل لي وانا بعد صابر
ومسويلي بلوووووك (حظر)

هنا سكت انا وقررت اسويله بلوك هو كمان
ولا كيف تنصحوني اتصرف
رفع ضغطي مليون بالميه

تم تعديل العنوان ليتناسب مع المضمون

الحل هو التطنيش
يعني لما يزعلك زوجك بشي بدل ما تكبتي بنفسك وتكرهي حياتك تعاملي مع الموقف وكأن شيئا لم يكن. لا تحطي ايدك عخدك وتنوحي كأنو الدنيا خربت. ابكي شوي بتطلعي الطاقة السلبية وبعدها مارسي حياتك واشغالك عادي طلعي شوفي صاحباتك عملي اي شي يغيرلك نفسيتك

شايفين لعبة تركيب الأشكال سهله ؟
ولا لأني كتبت كائن لطيف طلعت عايشه في العسل😂

كل رجل له شكل في هاللعبه وعليك تركيب هذا الشكل
عاد كل وحده تتخيل شكل رسمة زوجها في اللعبه الي عليها تركيبها

احياناً يا ابتسامة ورد تضطري من الانفجار تنفضي مكعبات الشكل كامله بعد التعب والسهر في التركيب
لكن تشعري بإرتياح وتلاحظي تغير جذري في حياتك ولما تفكري ترجعي لزوجك قصدي ترجعي تركبي الشكل من جديد
تبدأي بطريقه غير الي استخدمتيها قبل بتلاقي نفسك نجحتي

والله الرجال مغلوب على امرهم اذا عصب سرعان مايهدأ ولا كأن شي حصل ولايشيل بقلبه شي ابداً ...!
واذا عرفت الزوجه تتعامل معاه وتراعيه صدقيني كل الي بجيبه يعطيها وهو مبتسم 😃...!
ويلبي كل حاجاتها ...!
فهو سهل لمن تحسن التعامل..!
وسهل ممتنع لمن لاتحسن وتدور على نفسها ..!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

انا مو متزاعله ولا شي بس كلامي بعد تجربه سنوات ..
اكتشفت ان الرجل غلط تتعاملين معه بطبيعتك وتتكلمين معه باريحيه
لازم تكوني ممثله حاذقه ومتصنعه معه طبقا للصفات التي يرغبها

علشان تاخذين شهادة الشرف منه لازم تكونين منافقه

عاد فيه اللي تتقن التمثيل وتنجح بحياتها وفيه اللي تفشل ولاتعرف تمثل وترسب في تعاملها معه ..

صدقتي👍👍
وانا راح أرجع لنفس الاسلوب
اتبعته فتره وفعلا نجحت وكنت مرتاحه ومبسووطه مريحه راسي
لكن حصلت ظروف وتدخلات خربطت مخي وغيرت تعاملي
الان اكتشفت مالي غير النفاق والتمثيل حتى لو قلبي محترق
او نقصني بحقوقي
بالكلمه الطيبه والتعامل الحسن والدلع
ان شاء الله كلووو يجي
وربي يوفقني ويوفق الجميع يارب

حبيبتي عروس الروض
حاولي ماتشدين مع زوجك
والله الشد والمد ماراح يجيب الا الحظر
وراح يقهرك اكثر
بكل بساطه
لما يجي عندك
خليك مبتسمه هاااديه.
ولاتجيبين سيرة الحظر
انسيه لفتره لين تهدأ الامور
وتحسينه راح يتقبل منك الكلام
وقتها اطلبي انه يشيل الحظر
ولا عاد تكررين مزحك
انتي شكلك مزحتي والوضع اساسا متوتر بينكم
الله يوفقك

أختي الكريمة عروس الروض

المزح بالكذب صفة مقرفة لا يحبها الرجل الصالح وأظنه غضب من الكذب وضعي علامة على كلمة (الرجل الصالح وليس الرجل الفاسد)

تجنبي الكذب جده وهزله فالكذب مفتاح كل شر وخطيئة

حبيبتي أريحك

يا كثر ما يعملها الرجال المتزوجين

يبغى يريح راسه من كثرة الكلام .. رساله من عندك رساله من عنده .. يقوم يحظر ويريح راسه وبعدين ممكن ترضون ع بعض وترجع المياة لمجاريها وتستغربي ليش ما شال الحظر .. لأن شخصيته كذا مو .. ينسى بسرعه .. مو دقيق

والأمور اللي تفكري فيها مو على باله مليون بالميه ..

وممكن لما ارسلتي الرسالة كان التوقيت غلط .. منزعج من شي ثاني وحط حرته فيك 😂

الخلاصه وسعي صدرك .. وريحي بالك .. وتجاهلي الموضوع بالكامل ولا تكبريه

ولو نسي مثلاً وما شال الحظر 😅
لا تحطيها بقلبك .. قولي برسل له نصي وهو بينتبه للموضوع وبيعدله من نفسه ..

حبيبتي حافظي ع حياتك ولا تكثري المشاحنات مع زوجك
والله يا قمر فيه أمور أصعب من كذا

ليت كل المشاكل الزوجية مثل مشكلتك

الله يسعدك ويسخره لك ..

__________________

(( لا شيء يجعلنا عظماء سوى ألم عظيم ))

طنشي حبيبتي ولا يجي على بالك .. لاتسوي له حظر ولاشيء .. ولاتطلبي منه يفك الحظر ولاتناقشيه بشيء .. بكرة من نفسه يفكه ويكلمك .. كبري رأسك وطنشي وعيشي حياتك..

وعلى فكرة هو مازعل وسوالك حظر من المزحة هو زعل من الكلام اللي كتبتيه بالرسالة بعد موقف المزحة .. عموما كبري رأسك واشتري راحتك

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..