اعطيه خبر ان ما تحرك والدك سيسعى لطلاقك منه بس استأذني والدك قبل اخباره

الله يكتب لك الخير

مع احترامي لأبوك لكن الحوار فيه الكثير من التهور و عدم التروي و بعيد عن الحلم

شخصيا رأيي كرأي والدك ..

ولمن ذكر الرجوع لاجل اطفالك .. شخصيا
ارى تربيه الاطفال بجو متوتر مؤذيه لهم

زوجك وبكل صراحه التعامل معه متعب نفسيا ..بالعادة الرجال اذا احسنت المراه التعامل معهم نفع معهم
لكن زوجك ابدا غير عنهم ..
شغال على التفسيرات السيئه ...


استخيري يا كنافه وربي يدلك على الخير ..
وهذا اصعب قرار فضروري تستخيري

لو ترسلو له اخوك الكبير يمسكه
ويقول شف ياابو افلان الوالد موراضي على
تصرفك مع اختي ولا انا يا انك تروح للوالد
وتتفاهم معه يا انك تحمل اللي بيصير

المهم انتي لاعاد ترسلين له ولاشي
حتى لو تكتبين له رح لاهلي
هو يدل درب بيت اهلك
كثر خيرك انتي سويت كل شي الكورة في ملعبه
المفروض هو يتحرك الله يهديه
وحسيت من كلامك انو كلما تجاهلتيه يخاف اكثر
من اذا تكلمتي معاه
وخصوصا" انو تاركك شهر ونص وهو الي موصلك لبيت اهلك
بصراحه ماالؤمك اللؤم عليه والبيت له صاحب الي هو ابوك الله بخليه لك
تتذكرين ردي يوم اقول لك انوه احتمال يعلقك وبصراحه كنت حاسه
وسبق وقلتها شخصية زوجك مايبلها الا رجال
الله يسخره لك

__________________
استغفر الله وأتوب إليه

دائم اقراء مشاكلك مع زوجك واكتفي بالدعاء لك
واتعب نفسيا وانا اقراء معاناتك
أنصحك التزمي بالاستغفار وسورة البقره والدعاء
أسأل الله أن يكتب لك الخير انتي واطفالك

تدرين وش مشكلة زوجك احس تعامل ابوه مع امه بعنف وهو صغير اثر فيه بشكل كبير ودمر نفسيته انا اتذكر مرة ذكرني الشي ذَا بمواضيعك مشكلته مو قادر يسيطر على انفعالاته ولسانه هو شاف امه كيف صبرت وتحملت وعلى باله الوضع نفسه مايدري ان الزمن تغير ومستحيل بذا الوقت يلاقي اللي يغلط عليها ويهينها وتركض ورآه لان زماننا غير المرأه صارت متعلمه وفاهمه ولاترضى ونشوف كثير حالات طلاق بعضهم مايستمرون الا فتره بسيطه جدا انا أتمنى من كل قلبي انه يتخلص من عقده ومن مجتمعه السئ اللي حوله يحرضه ضد زوجته ويرجع لعقله ويصير إنسان طبيعي حاولي تدعين وتستغفرين لان موضوع الطلاق جددددا صعب ويكسر الوحده وخصوصا فيه أطفال الله يفرج همك

اهلين كنافه شخبارج وشلون نفسيتج .... اختي بشريني عن مشروعك ابتدي فيه وما في احلى من ان الواحد يحقق نجاح عملي ..... في داخلك الان في خوف وممكن في انكسار بس صدقيني لو اشتغلتي على مشروعك ونجحتي راح تختفي كل هل مشاعر السلبيه .... عجبني ابوك وتصرفاته لانه بلفعل مطول باله مع زوجك وما تصرف بهل طريقه الا ان تجاوز زوجك كل الخطوط الخضراء والزرقاء والحمراء .... لا تكسرين كلمة ابوك ولا تتواصلين معه ابدا عزي نفسج يعزوج الحواليج

لي خمس ايام مدري عنه

واتوقع الوالد كلمني بهالطريقة
حتى يتأكد من مشاعري وردة فعلي

لانه عمليا مافعل شي
يقول بنتظر كم يوم زياده
بعدها بقول له يعطيك حريتك ويروح بحال سبيله

زوجي بدبي من قبل امس
عرفت هالشي بطريقتي الخاصه اليوم
رايح ينبسط بالويك اند.. بس مو مهم


انا جالسه افكر بمشروع وخطط للمستقبل
سواء بوجود هالزوج او بعدمه
لان جلستي الفتره الماضيه وعتني لامور كثيره
انا غلطت بحق نفسي كثير
ماقدرت ذاتي وسمحت له يغلط واسكت
اتحمل جزء من المسؤوليه
لاني كنت متنازله بابعد حد


الحمدلله على كل حال

والله ماأستغرب إلا من اهل الزوج يصيرون أصنام لو صارت مشكله
مالهم اي ردة فعل!!!يانااااس ياااعالم
بيت ولدهم يخرب ولا فيه اي تدخل او نصح او إجبار منهم
لولدهم بالاحترام
استغفرالله العظيم
مو قاهرني إلا أهله ياناس أدبو ولدكم امسكوه
كلمو بنت الناس سوو شي

الله يقويك ياكنافه
وويسر امرك