المفروض الاب يتكفل بالحليب وحفظات الولد بحيث يشتري لولده مايكفيه حق شهر شهرين ، ويمشي ال 500 ريال كما هي شهرياً عبر استقطاع او اونلاين بالهاتف النقال هذا المفروض الي يحصل ، اشوف انك تكلمونه يزيد المبلغ ل 700 ريال او يتكفل بحليب الولد

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

بصراحة الله يجزاك خير حل ممتاز ولا فكرة فيه لو افتك من الحليب والبامبرز بتكفي الولد 500 براحة .. قلت ل امي تكلمة وتقول له هالكلام
بس ماادري تتصل الحين ولا بعد مايرسل صك الطلاق؟
امممم وفية مشكلة ثانية اخواني اثنين الكبير مره مشغول وبارد نوعا ما يعني لما اقول كلمة يرسل اغراضي يجلس اسبوعين مااتصل ينسى ويقول ماعليك اجيب لك غيرهم او يتصل ويتكلم
عادي جدا اخوي الثاني يقول مستحيل اكلمه لاني لو كلمته بتهاوش معاه خلي فلان يكلمة يقصد اخوي الكبير البارد .. افكر امي هي اللي تكلمة امي افضل منهم كلهم واحد حار بزيادة والثاني بارد .. فيها شي لو امي هي اللي تكلمة عن المصروف؟

؟؟؟؟؟؟؟؟؟؟؟

مافي احد يقدر يفيدني او يسأل ويتأكد اذا الخبر صحيح


تنصحوني ارسل رسالة نصية من جوال امي على طليقي اطلب منه زيادة مصروف للولد من دون علم اهلي للملابس هالشهر ؟؟
بس الين يخلص الصك واشوف اذا شمل النفقة ماراح اتكلم واذا لم يشملها ذاك الوقت خليت احد يكلمه

شوفي الصك ماله شغل ف النفقه مو معقول تبين تنتظرين يجي الصك عشان تطالبين ف حقك ولدك
ارسلي وقولي يابو فلان المصروف ما يكفي ع الاقل زد المبلغ شوي من وين ب اصرف عليه م عندي وظيفه
واذا م زاد ارفعي قضيه اذا راتبه زين

انا ما رفعت قضيه لانو يدفع بس يتاخر فيها

__________________
اللهم احفظ لي بنتي فهي فرحة عمري وضحكة سنيني ..

ي حبيبتي الصك مايشمل النفقه ولا له دخل بالنفقه ولاينذكر فيه ولا له صله بالصك ابداً شوفي بقولك كيف تحددت نفقة ولدي انا لما اطلقت كان بالمحكمه عند الشيخ رفعت قضيه خلع بنفس الجلسه بعد ماخلعني وقبلت قاله الشيخ الولد راح تمشيله مصروف شهري وساله عن راتبه وحدد مصروفه 500 قال تدفعها شهرياً ووافق وبعدها حددالعده ش كثر وانتهت الجلسه وانتظرت برا تقريباً ساعه او اقل واستلمت الصك الاصل وهو اعطوه صوره
يعني لازم تفهمي ان الصك يقدر يطلعه بمجرد انه طلقك ماتنتظري الى ان تنتهي العده لا لازم الحين يطلعه وتاخذي الاصل وتخلي الشيخ يحددلك المصروف حق ولدك وع طول اول ماتستلمي الصك سجلي بالضمان واصرفي ع نفسك لاتنتظري احد ومصروف ولدك يدفعه غصبن عليه هذا حق ترا اذا سكتي من البدايه بيماطل ويمكن يقطعه
دقي الحديد وهو حامي ع قولتهم هههههههههه سوري تحمست وطولت عليك 😁

اي وكمان في حاجه نسيت اقولها امي هي الي تكلمه وتتواصل معه اذا تاخر بالمصروف وهو يسمع كلام امي وعلاقته ف امي كويسه جدا تعرفله وتجيبه بالكلام ولااخوي مثل اخوك بارد ف عادي خلي امك تكلمه ووونخليه بعد يجيب اغراض مثل الحليب والبامبرز وكريمات واكل اي بعد لان ال 500 ماتكفي حتى احيانا اذا تعب ولده وماعندنا احد تكلمه امي وهو يوديه لطبيب. ف خليه كذا عشان يهتم ف ولده ويعطيه حقه مو ينساه حرام الولد لازم يتعود ع ابوه وماتقطعوه من. والله يوفقك ويساعدك 🌹

انا عارفه ان الصك يقدر يطلعه بعد الطلاق حتى قبل تنتهي العدة لكن شلون ارفع قضية وانا مامعي صك ؟ وانا صرفت النظر عن قضية النفقة
وطبعا اكيد اول مااخذ الصك اسجل بالضمان لكن لسى ماوصل صك الطلاق
موضوع ان امي تكلمة تطلب منه يودي ولده المستشفى او اغراض من بامبرز وحليب طليقي مو بالرياض وعارفه سستمه يجلس عند نياقة الين يجي دوامه يروح يداوم ويرجع ل نياقه : )
طبعا عند نياقه مافيه شبكة
ولا يجي الرياض الا نادرا واكيد مااعرف عنه اذا هو بالرياض أو لا والولد لسى صغير عمره 6 شهور ف ماهو مدرك ان ابوه موجود او لا
بالنسبة لك حكم الشيخ ب 500 بس !!؟ راتب طليقك ضعيف ؟ ولا وش السالفة

صحيح اختي الصك يقدر يطلعه بعد الطلاق مباشره ولكن الواحد يعمل حساب للرجعه فـ كل الرجال مايطلعون الصكوك بدري لانه ممكن يرجعها باي وقت طالما انها بالعده ورجوعها بكلمه منه تصير بذمته فـ اغلب الرجال مايحب يستعجل بالصك

اما بخصوصو مصروف الولد نعم صحيح انه حق للولد ولكن اختي دايم يكون الحل الودي في مثل هالمواضيع افضل لان اذا تحدد مبلغ معين مثل 500 فـ خلاص ماتقدرين تطالبينه بشي بعد كذا حتى لو ماتكفي او جت مناسبه او كبر الولد وزاد مصاريفه او تطالبينه بحليب وحفايظ يقدر يقول لا ولا لك شي عنده وقتها
ولكن اذا الموضوع ودي وبالتفاهم كل شي يصير ممكن والامور تمشي بسلام بدون عناد ومشاكل

هذى المواضيع مو عناد و لا مشاكل ولا استعطاف للاب .
والاطفال مالهم ذنب باللى بين الوالدين
والنفقه حق وواجب على الاب بما يكفي ولده مو عناد ومالك شي عندى
يعنى تشحد بولدك بالشارع او تشتغل و تصرف عليه ؟
معاهم حق اذا المطلقات اللى يرمون اولادهم على اهل طليقهم .

اي مسالة قابلة للحل الودي من الخطأ اللجوء مباشرة للدولة او القضاء
ثانيا هذا ولده اذا المسالة اتت بالعناد و دون مشاورته على مبدأ تدفع غصب عنك فسيتولد حالة نفور من الولد و اذا الام تزوجت سينتقم منها عندما تتحول الحضانة له
لذلك التسرع بمثل هذه الامور و فرض الامر الواقع الخاسر الولد و الام مستقبلا