المؤخر موجود , من زمان هالشيء مفروغ منه وخالصين
بما انك مطلق ف ممكن يخافوا فيطلبوا موخر انا اتكلم عن حالتك وهالشيء موجود يا اخوي
يعني انا لو اختي تقدم لها تقدم ومطلق اكثر من مره ف طبيعي بنطلب موخر هالشيء
وأما بخصوص انو المطلقه تقلب ف اي واحد للاسف كثير يكون فيه بلاوي وع باله بتقبل فيه
ما يدري انها بتكون حريصه اكثر ولا تتزوج زواج والسلام
انت الحين وش ناوي عليه تبي تكمل معاها
انا اشوف حتى لو أعجبتك الحين بعد الزواج تبي عيال انت وبما انها كبيره ف ممكن م عاد تحمل وممكن تحمل كلشيء ف يد رب العالمين ف انت احسبها من كل النواحي الحين وبعدين ف المستقبل جتى م تطلق انت وتكون مار ف تجارب تهد حيلك فكر زين

__________________
اللهم احفظ لي بنتي فهي فرحة عمري وضحكة سنيني ..

هي ثيب وكبيره وعندها عيال
لكن بالمقابل جميله ومو باين عليها العمر كانها باول الثلاثين (وهذا بشهادتك)

انت بالمقابل مطلق مرتين وعندك عيال (بتضطر تخدمهم حتى لو وفرت خادمه)

انا معك لو انهم اكتفوا ب50 او 40 الف مهر وبلاش المؤخر
وطلبوا خادمه للعيال بدل المؤخر كان افضل للجميع

ما تدري عن تفكير ابوها يمكنها موظفه وخايف على فلوسها!

اختي هم يعرفون راتبي ويعرفون اني ولله الحمد والمنه ماني بحاجة راتبها
ولو انهم اشترطوا ان راتبها يروح لحساب ابوها او اي شي يتكلم بهذا الخصوص كان عادي

اما المهر اختي خلينا واقعيين بنات امهات 18 و20 مهورهم 40 و50 فـ الواحد لازم يحط مصلحة بنته اولا
يعني انا رجال ماعندي زوجه يعني ماراح تدخل على شريكه ووضعي الحمدلله زين وعيالي عندهم خادمتهم ومدرسهم وسمعتي ولله الحمد ممتازه ولا فيني عيب خلقي او اخلاقي ولله الحمد والمنه وحتى رغبتي وحبي للاطفال تركتها على جنب وقلت مايخالف فـ كل هذا ماله قيمه
في حالة التقدير الانسان بطبيعته راح يستحي ويعطي يمكن اكثر من اللي طلبوا ولكن اذا وصل الامر الى حقي وحقك هنا الواحد يقول لا ليش اعطي كذا وهي تستحق كذا

هل هم طلبو المهر بطريقة بجحة
او طلبو عرس و طلبات مادية اخرى؟؟
يعني ممكن 50الف و بدون عرس و لا تأثيث بيت و لا شيء.
هل لو قالو 30او 20 كنت بتعطي اكثر فعلا؟؟

__________________

لا هالشي ماهو من مجتمعنا ابدا
المؤخر والشبكه وغيره هذي جتنا توها ولانعرفها اول
اما كوني مطلق اجل على كذا مع الرجال حق لما يخافون من المطلقه؟
تدرين وين المشكله اختي
انكم تنهون عن شي وانتم تسوونه

كل بيت وقبيله لها عادات من ناحيه شبكه ومهر وهالشيء فكل بيت وع حسب المقدّره وكرم الخاطب
المطلقه مره ممكن لاكن مرتين سوا رجال ولا حرمه بتخاف وبنهاية كلو نصيب ,
وما تدري ممكن خيره لك
اللي صار , استخير اكثر من مره

__________________
اللهم احفظ لي بنتي فهي فرحة عمري وضحكة سنيني ..

اخوي , ترا بعض البنات مالهم ذنب تلاقي الاب يتشرط مهرها وكلشيء للاسف اغلب الآباء كذا
يا انو م يبي بزوجها او يبي يستفيد وياخذ منه

__________________
اللهم احفظ لي بنتي فهي فرحة عمري وضحكة سنيني ..

الرجل هو اللي يطلق
فلما تخاف من المطلقة من مثلا سوء خلق او شيء فأنت بتطلقها بكلمة و بسهووولة
غير ان طبعا مهرها و قيمته اقل يعني مو خسران كثير
و لا بتمرمطك في المحاكم عشان تطلقها؟؟

لكن المطلق. لو كان شيء خلق ا و به عيب
هنا تكون من تزوجت به في ورطة
عرفت الفرق

ما ادري ليه حاسة ان 50الف متوفرة عندك و بسهولة لانك موظف قديم و ساكن ببيت ملك
بس نظرتك لها من ردودك ابدا مش حلوة
كأنها شي قديم و في حي شعبي و الا سكراب. شدعوة

__________________

اسمحيلي هذا مو منطق
يعني طيب واذا اخلاقها مو حلوه من يرجع للزوج فلوسه اللي اكثر من المؤخر بكثير

نعم انا اقدر ادفع الـ 50 ولكن مثل ماقلت سابقا احب اعطي كل شي حقه
ومااعتبر هذا من الكرم ابدا لانه حق
اما الكرم يجي بشي مو مفروض علي
هذا غير سالفة المؤخر اللي لا اقبلها ابدا تحت اي ظرف ومهما كانت العروس ولو كانت بنت صغيره وشرطو مؤخر راح ارفض مهما كانت مواصفات العروس