السلام عليكم ..
طبعا وجهة نظر ككل اللي شاركوا صحيحة مئه بالمئه ..
بس اغلبهم من الشباب .. اللي مستحيل ينحطون في موقف مثل كذه .. فأكيد هم ما يعرفون وش رح يكون وقع هالشي على نفسية الاخت الكبيرة ..
رح يصيبها بإكتئاب و رح تتحطم نفسيتها بشكل كامل .. لان مجتمعنا ما يرحم .. ولا يترك اي احد في حاله .. و ما رح تسلم من كلام الحريم ..
اعرف كثير بنات .. الله يستر عليهم بأزواج صالحين يسعدونهم .. بس من يوم تزوج اخواتهم اللي اصغر منهم خلاص .. راح عليها القطار ..
طبعا ممكن يتقدم لها احد .. بس رح يكون شاب مناسب تتمناه اي بنت ؟؟ لا طبعا .. بيكون واحد يبي زوجة ثانية .. او رجل كبير بالسن يبي زوجه صغيرة ترجع له شبابه ..
فتلقاها معتزله العالم .. تكره تشوف الناس .. تكره تخرج حتى لعمامها او اخوالها .. ما تبي تشوف اللي اصغر منها متزوجات و صايرين امهات .. حتى صديقاتها و زميلاتها ما تبيهم خلاص تقطعهم .. تشوف ان اخوانها اللي اصغر منها سنة بعد سنة يحققون شي في حياتهم لين ما يسبقونها وهي لسه بعد واقفة في مكانها ما تحركت .. و تصير تحس ان مالها اي فايدة في هالدنيا وان شبابها يذبل ببطء .. و اذا كان الحمد لله عندها وظيفة تلقاها احسن وحده في قسمها و كارفه عمرها و باذله كل جهدها عشان تثبت ان لها مكانه و عشان يصير عندها حساب بالبنك و ما تنقص على عمرها ولا شي ..
و لو زرتوا الجامعه رح تلقون معظم اللي يدرسون دراسات عليا من البنات .. هم البنات الكبار في العائله اللي تزوجوا خواتهم الصغار قبلهم .. يدرسون عشان يشغلون وقت فراغهم و عشان تحاول تثبت لعائلتها انها حققت شي في حياتها ..

انا ما ابي اكون انانية .. بس بعد ما ابي اللي ردوا على هالموضوع يتكلمون وكأننا في مجتمع مثالي كامل ..
مافيها شي لو الأهل صبروا شوي لين ما يجي نصيب بنتهم الكبيرة .. خصوصا ان سن الزواج صاير متأخر يوصل عند البنات لأواخر العشرينات .. و ما اقول ان البنت الكبيرة تتشرط و تتنقى من العرسان اللي يجونها ..
بس البنت غير الشاب لو ما تزوجت معناها حياتها ولا شي .. بس جلسه في بيت الأب .. و ما حد يدري الأعمار اذا ابوها وامها توفوا وين بتروح ..
بس من جد صايرين في اخر الزمان .. اللي فيه الاب لازم يلحق على بنته و يخطب لها قبل ما يفوتها القطار

الله يستر على كل بنات المسلمين الكبار منهم و الصغار .. و الله يرزق كل بنت بزوج صالح يسعدها و يعوضها عن كل شي ..
يمكن اكون خرجت عن الموضوع بس من زود الحماس ..
تحياتي ..