المشاركة الأصلية كتبت بواسطة Bin mohesn

السلام عليكم ورحمة الله وبركاته اخباركم جميعا .. انا عندي مشكله مع زوجتي وبصراحه معرف كم اجمع الهرجه بس بحاول
بسم الله نبدا .. انا متزوج ليا سنه ونص تقريبا جديد يعني . عمري ٢٨ وزوجتي ٢٢
الموهيم موضوع المشكله متكرر بصراحتن وذي المره معرف افضفض لمين ودخلت المنتدى وقلت ارمي الهرجه لعلى وعسى استفيد منكم .. انا يمكن عصبي شويه واترفز بسرعه بس ع طول اعوض يعني ارضيها اسوي اي شي وطبعا نرفزتي مايجي فيها سب ولا اهانه ولا ضرب ولا حبس الموهيم وتزعل من بعض النقاشات اللي تسير بآي بيت وتزعل وتروح عند اهلها واروح اجيبها .. وانا ماتكلم واناقش الا هيا غلطت بشي او ماعجبني شي . وللمعلوميه ماقصر عليها بشي وانا غلطت وفتحت لها اشياء كثير تروح عند اهلها مرتين او ثلاثه وتبات عندهم ويمكن نامت عند اهلها من يوم ماتزوجنا لين دحين اكثر من خمسين مره بالضبط ماعرف وتروح عند صحباتها كل شهر مره ومرات تجي مرتين وتروح زواجات يعني بالعربي مو حارمه شي ومرات اروح الدوام احزن اخليها تجلس لحالها اقوم احطها عند اهلها لان قريب من دوامي وسارت الهرجه ذي كثير مره اكثر من ٦٠ مره .. الموهيم وطبعا غير الهدايا اللي اجبلها هيا .. يعني مو مقصر معاها الموهيم وسارت الهرجه ذي كم مره تزعل واروح اجيبها .. وذي المره الجديده هيا اللي اغرب شي .. مالنا راجعين من السفر شهر وماكملنا اتوقع شهر ورحنا واتمشينا واشترت هدايا لي اهلها ولي صحباتها اللي هما ٦ صحبات وطبعا ع حسابي الهدايا وكل شي .. ولمن رجعنا قالت ليا امي تعبانه وبروح اجلس معاها قلت لها ابشري جلست اسبوع . ورجعت وجلست اسبوع وراحت جلست ٤ ايام كمان ورجعت بعدين وجلست عندي كم يوم وسار نقاش عادي وربي ولا اذكر عن شي واللي اذكرو انا ماهنتها ولا ضربتها ولا حبستها ولا شي كبير ابدا .. الموهيم ذا الكلام الجمعه ووديتها بعدين الساعه ١٢ الليل قالت تبغى تنام قلت لا اخذتها الساعه ٢ ونص الموهيم ساكتين ولا هرجنا ولا شي لين السبت وديتها لان ابوها جاء من السفر ورحت وديتها ورسلت ليا بالليل بنام لاتجيني بنفس الصيغه ذي طلعت سواق وانا مدري .. الموهيم رسلت اذا ماجبتك دجين محرجعك .. ولا شفت رد وقفلت جوالها اسبوع .. رسلت رساله بما معنى الكلام . انو دام قفلتي جوالك يعني شردتي ودام سبتيني بذا الوضع اللي انا فيه ضميري ماراح يآنبني .. الموهيم مرت اربعه ايام قلت خلاص اكلم ابوها .. ادق ولا يرد قلت افا يمكن ماسمع وادق ولا يرد قمت رسلت رساله انو انا مدري ايش الموضوع واذا كان في غلط ترا الغلط مشترك واانا دقيت عشان ابغى اطمن ع زوجتي وطبعا ولا رد عليا .. ودقيت ع امها ولا ترد .. وانا صعب اني اروح لهم بعد ذا كلو .. والهرجه معرف ايش بصراحه اللي يقهر رجعنا من السفر وماجلسنا عشره ايام مع بعض .. وانا طبعا رسلت رسايل لزوجتي sms ، واتساب. انو ذي الامور تسير بكل بيت ونحنا لسى صغار نكبر ونتعلم وذا الموضوع كامل وبختصار .. اتمنى يكون كلامي مفهوم .. وانتظر الردود وشكرا لكم

تم تعديل العنوان ليتناسب مع المضمون

مستجدات الرد 40

http://66n.com/forums/showpost.php?p...9&postcount=40