وعليكم السلام ورحمة الله وبركاته
عزيزتي ما دام الله معك فأكيد رح يقدملك كل خير
وادع رب العالمين ان كان في خير لرجعتك الو ترجعوا من دون ما تبذلي اي جهد
لانو بشوف تنازلتي كتير وبالآخر ما لقيتي حتى سبب مقنع للانفصال
والغدر بشخص بنحبه من اصعب انواع الالم
برأيي ما عاد تتوسليه لانك عملتي اللي عليك
وما دام مقرر ورفع قضية ارضي بنصيبك
ممكن ربنا كاتبلك الافضل
واتعلمي درس من تجربتك انك تساعدي زوجك وتوقفي حده بس بالحد المعقول
ولتتأكدي منيح مع السنين ان كان بيستاهل التضحية او لا
فعيشي لنفسك وراتبك انت المسؤولة عنو وبتساعدي برضاك وبنفس الوقت كان دوام افضل من دوامين
لانو ارهقتي نفسك ولا استفدتي من راتبك الا بالقليل
وللأسف في اشخاص ما بيعرفوا قيمة الشريك الا ليخسروه او يجربوا غيره
وعند رب العالمين ما بيضيع حق مظلوم
وراجعي حساباتك والاشياء اللي كان الك دور فيها ببعض المشاكل واتعلمي منها كرمال ما تتكرر
والحياة قدامك
وربي يعوضك بالافضل سواء بعودتك لزوجك او بشخص آخر
دعواتي ترافقك
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه