بعد ان صدر هذا النضام اللي يخص الحضانه قبل سنتين تقريباً . ماعندي مشكله يتربو مع امهم وانا كل اسبوع ازورهم . وامهم كلمت بنت اختي تستأذن هل آخذ اطفالي اذا بغيت اتزوج . قلت ماعندها مشكله . والاطفال مالهم الا امهم . وماني من الناس اللي انتقم واحرق قلب اطفالي واحرق قلب طليقتي ويعتبر كله عشان الاطفال . ماهي علومي . رضاي واهتمامي في مصلحة اطفالي . لكن من ضمن النضام يقولك حتى لو البنت تعدى عمرها ١٥ سنه مايقدر ابوها ياخذها لانه خايف عليها لانها كبرت. يقولك الاب اذا بغى ياخذ بنته بعد ان تكبر . والام رفضت ذلك . الاب يتقدم بشكوى للمحكمه وياخذ بنته غصبا عنها . انا عن نفسي وكذلك طليقتي متفقين ولابيننا مشاكل ابد بخصوص الحضانه . لكن اللي انا اخاف عليه لو بنتي وصلت ١٥ سنه . مو من المعقول ارضى تكون عند زوج امها . وين احنا عايشين . يقولك المحكمه اذا الاب طلبها . فخلاص تروح الحضانه لامه او ام الزوجه او الخاله او الاخت وماتروح الطفله للاب اذا كان متزوج . عشان زوجة الاب ماتضربها او يصير انتقام بسبب الطليقه . فهمتو قصدي. والله هذا مو عدل ولا انصاف . وللمعلوميه ترى النضام مو زي زمان ٧ سنوات وتسحب بنتك . جاء نضام جديد ويمكن الاغلبيه سمع عنه

اولا كلامك وان فيه قانون جديد جيب الادلة عليه والمصادر لاتتكلم من توقعات
ثانيا انا بس ابي افهم شي واحد
احد قالك خذ عيالك واحرق قلبها ؟
احد قالك اذا اخذت عيالك وانت احق بحضانتهم بتكون حرقت قلوبهم
احد قالك ان انتقال عيشهم من بيت ابوهم الى جدهم الى بيت رجل غريب راح يكون دائما جنة لأنهم بس مع امهم ؟
هل بتقعد تتحجج انك بتتركهم عند امهم علشان لاتفرق شملهم وان الام لابديل لها ؟
يعني الأب له بديل والام مالها بديل ؟ والدليل استبدالك
ارجع اقول لك مع الزمن انت بتكون مجرد عم او بمثابة خال وزوج امهم بيكون مقام الاب وبيجي اليوم اللي يقولون له بابا فلان وراح يكون اقرب لهم منك وقت ماهم بحاجة قربك
كفاك تحجج بحرق القلوب وقول انك غير مستعد لحضانتهم الان وانك متورط وامهم الخيار الافضل ليعيشوا معها

لنقل مثلا ان امهم فجأه طقت باب بيتك وفتحت الباب لقيتها مع زوجها عند باب بيتك وعيالك واقفين عند الباب وشناطهم واغراضهم معهم وقالوا لك بابا ماما تقول خلاص عيشوا عند ابوكم وانا بجي نهاية كل اسبوع اخذكم عندي وش بتسوي ؟ بتقول لا تعالي مابي احرق قلوب العيال ؟

ياساري نصيحة اخ ضبط امورك وخذ بناتك وولدك بعد 7 سنوات ولدك بيحتاج سيارة بتشتري له انت مو زوج امه وقيس عليها امور كثيرة ويحتاج توجيه بالمتوسط والثانوي بيحتاج اب وصديق زوج امهم لو يتسدح بالبيت لاصلاة ولاعبادة ولا شغل ولا فايدة ماهمه من يماشي ومن شلته وامور كثيرة
وان طلع زوج الام كفو وياخذه معه للمسجد كل يوم واعتبره واحد من عياله فاعلم انه لاحاجة له بك