الله يعينك على غيرته بعد الزواج مدام فيها تكسير جوال ..
طبيعي يغار لكن ... يرمي ويكسر الجوال لا.
لازم من الان تحطي حدود لها الشي وتبيني زعلك الشديد على الجوال وانتبهي لا يقلب عليكِ الطاولة ويصير هو الزعلان واللي المفروض تراضيه وتوعديه معد يتكرر،، انتبهي وكوني ذكية ،، لأنه المفروض هو اللي يراضي ويصلح الجوال.

والله ياختى ان هالنقطه تشغلنى وبقووه وافكر فيها كثير
هذا وانا ماجيت بيته كيف ان صرت معه !!
بكذا موقف الاحظ انفعااله و كل مره مبرره هو الغيرة .
ان كان معى بمكان عام يبغى ما اتكلم وهو اللى يتكلم بس حتى طلبات يبغى اطلبها منه
وهو يطلبها لي !! بالمولات بعد يقول لرجال خيير تطالع تبغى شي ! اقوله هذا محل مجوهرات
طبيعي صاحب المحل يبقى قدامنا ماراح يتركلنا المحل ويطلع .
انا ماعتذرت له و لا حتى كلمته من بعد كسر الجوال
بس كيف احط حدود ؟! ايش ممكن اسوي ؟

كل المواقف اللي ذكرتيها كوم و كسر الجوال كوم تاني
والمفروض ماتمر مرور الكرام، لأنه على مايبدو قاعد يتدرج في ردود أفعاله للأقوى
وكل ماله ردود أفعاله تصير أقوى، برأيي اعملي نفسك زعلانة كم يوم ولا تكلميه واي شي متعودة تعمليه له وقفي، ولو اتصل كلمك ردي عليه واطلبي منه يجي البيت ولو جاكِ
(وياليت يكون شكلك حزين مو مثل مايشوفك كل مرة) اعطيه الجوال واطلبي مني يصلحه
وقولي له انك مرة مصدومة منه،وكان ممكن يطلب منك مسح الصورة وانك ماراح ترفضي بدل مايرمي الجوال ويكسره، وقولي له انك في بيتك وكسر الجوال ، لو رحتي عنده البيت
وسويتي شي ماعجبه بيكسرك ولا أيش!
وفهميه انه الموضوع مو موضوع جوال، لكن ردة فعله كانت جدا قوية وخلتك تفكري في
أشياء كثيرة ، وانك شي طبيعي تسوي شي مايعجبه لأنك جاية من بيئة غير
والمفروض يتقبل اختلافك و يتعامل بشوية مرونة ويتفاهم بهدوء.

طبعا الكلام اللي فوق يفضل تقوليه بدون ماتكوني منفعله، قوليه بهدوء وحزن
وان شاء الله يفيدك ويتغير شوية.

انا ماسوي نفسي زعلانه انا فعلا زعلاانه و تنرفززززت بقوه لكن تمالكت اعصابي
ماعرف اتكلم بهدوء بانفعل غصب عني عشان كدا سكت فضلت اسكت
وللان ماكلمته .
بس انه قاعد يتدرج بردود افعاله مدرى ماجت على بالي ! تتوقعي كذا ؟
وعلى انه يصلحه مابغاه يصلحه هو بس الشاشه اللى انكسرت ابغى يجيب غيره بس من نفسه
دون طلب منى .