ممكن امثله عن التنكيد اللي يمارسه عليك زوجك؟
انا رجل وابي افهم اﻻنثى عشان ما انكد عليها اذا تزوجت

__________________
"المراه اذكى من الرجل بمراحل" واذا زنت او خانت تدعي الضعف وان الذئب البشري لعب عليها
"ماضي البنت ﻻيهم" هذا يدخل في الغش في اﻻسلام لكن ﻻيهم مدام اﻻمر في يصب مصلحتها

عجبني جدا رد خيال واحس انها قالت اللي بقلبي ..
وبقول اللي فعلا زوجي ينكد علي فيه عند كل سفره العباااايه او الجاكيت ذبحني ذبحني ذبحني يقتل كل حماس للسفر والتجهيزات بسببه .. لازم يكون له رأي ولازم رايه اللي يمشي وبالنهاية انا اللي بلبس مو هو
فيه اماكن زي لندن وباريس واسطنبول يكون السياح فيه كثيرين والاغلب خليجيات والجميع اقصد البنات يكشخ ويلبس ..
طبيعي انا كبنت ما ابغى اكون اقل من الموجودين انا بنت زيهم وعندي زي ماعندهم ليه ما اكشخ واحس بثقة بنفسي !
حتى بالنسبة لزوجي وااااه من افكاره يعني يبغاني اجي جلحا ملحا لا ميك اب خففيف لا لبس سنع ولا مجوهرات سنعة معليش انا اغار وما ابغى يشوف البنات احلى واكشخ مني ! ابغى نجلس بالكافيه وانا واثقة من نفسي وخاسة اني مالية عينه مو تبدا عيوني تتطاير كلما مرت بنت حلوة !

فهمت نقطتي ؟
لما نبغى نكشخ فحنا نبي نكشخ عشان البنات وهذا شيء فطري فينا احتا يالبنات
بالاضافة الى اننا نبغى نملى عيون ازواجنا !

يعني باخر سفرة صدق صدق كنت حايمة كبدي وقرفانه
بشتري لي عبايه يجي يتعنفق ويختارلي وحده لونها يجيب المرض وكئيبة وتجيب الاحباط
جيت بختار الحجابات ينشب بحلقي لا هااالوان ماتصلح خذي غوامق.. ياشيخ وش هالغلقة

واذا وصلنا بنروح لاشهر واكشخ شارع بالمدينة ينشب بحلقي ليييه حاطة لي شيء بوجهك وانا كل اللي حاطة واقي شمس مع بيبي كريم خفيف وينشب لي امسح كل شيء ..
طبعا تنكدت وحامت كبدي وجالسة طول الوقت بكرسيي بستار بوكس لامشيت ولا تفرجت ولا انبسطت منلفزة بكرسيي وماسكة جوالي وعييناتي تتطاير ع العبايات الحلوة والاناقة
قال ايش انتي بعيوني كاملة .. ايه هين
لا وخواتي منهبلين ليه ماصورتي لنا شكلك سناب نشوفك ..من زين شكلي احمدوا ربكم ماشفتوا الاناقة بس 😂

__________________
سبحان الله وبحمده ، سبحان الله العظيم

فليكا العوض ولا القطيعة
ارسلي له قولي توني راجعة من الطبيب يقول فيك مرض نادر اسمه متلازمة السفر يا اسافر يا امرض 🌚 احجزلي اجيك والا خلني اروح مع صديقاتي الشكوى لله اوامر الطبيب 😝

عادي اثقلي دمك وخلك سامجة المهم ماتجلسين هالشهر بالرياض لايجيك اكتئاب صدق لحالك والعالم طايره مسافره
وخوذيني معك 😢 ماعمري شفت روسيا وهينة لينه بالسفر مابي الا سعة الصدر والاكل 😂
لاتسوين لي فيها كرامتي ماتسمح والله مب نافعتك كرامتك لا منك خستي بهالحر وبيجيك طباخ التمر بعد 😂هجي بس لروسيا

__________________
سبحان الله وبحمده ، سبحان الله العظيم

السلام عليكم ،،

كل انثى تكره السيطره المبالغ فيها والتي بدون مبررات منطقيه ،، ليس من حق الرجل ان يكبت زوجته وان يضيق عليها وان يمنعها من شي مبااااح لها ،،

لكن ما اراه هو ان المحضورات والموانع التي تطالبن بها اتت من رب السموات والارض .. لا يجوز لك العطر في حضرة رجال غرباء ،، لا تجوز لك العباءة والزينه الملفته ،، ولا السفر بدون محرم او اذن .

بالنسبة للسفر فمن حقك الاستمتاع مثله تماما فلا ترفضي عرضه مرة اخرى وحاولي معه ان يعوضك عند عودته ،،، بالتوفيق .

__________________
🌾🌾 ! اللهم لا تعلق قلبي بسواك .. ولا تقربني ممن لا يخافك في ! 🌾🌾

القضية مو قضية تعويض ..
انا قلت انى رفضت السفر بارادتي ، ورفضته مع اخوي
سفرى اللى احتاجه مو معه يعنى تعويضه ماينفع و لا ابغاه
لكن القضية الحقيقية هى هذى السلطة منه !! مثلي انا ما اتحملها
حكاية كل مشوار او فعل او اي امر مرهونه باذنه و موافقته و مزاجه !! عجزت اتقبلها
شيء غير منطقي بتاتا ..

مثل ماقلت الصبر بدا يصل لادنى مستوياته ..
ان تاخر كم يوم زيادة بروح جده مو منتظرته ..