ترجع بيت اهلها معززة مكرّمة

و ان شاء الله يتقدّم لها رجل طيب ترتاح معه

__________________

ادعولي بالزوج الصالح

سبحان الله و بحمده .. سبحان الله العظيم

الحمد لله .. الله اكبر .. سبحان الله .. الشكر لله .. استغفر الله

جزاكم الله كل خير والله أني أحس إنكم مثل أهلي وكلامكم مثل ما قالوا أهلي مع أني أصريت على مخالفتهم وقلت إذا جا واعتذر لا تردوه وهي تقول أنا ما ني راده إلا في بيت مستقل بس أرجع أقول لها ماراح يوافق لأنه ولدها الوحيد ولا يقدر يفتح بيتين وأختي تقول إذا أحد دق عليك من أهله قولي لهم أختي تقول والله كان في نعمه ورفسها
علماان الأم يجيها راتب تقاعد يعني تقدر تساعد ولدها بس إهي تقول كفايه زواجه
وأختي تقول أنا ما زلت صغيره وراح أشوف حياتي مع إنسان ثاني بعد ماأكمل دراسه حتى وإن كان كبير بس أعيش بكرامه و أرجع أقولها لا عيالك ويش ذنبهم ينحرمون منكم تكونون مع بعض وإهي تقول عيالي أهلي ما بيقصرون عليهم وإهي الحين ما زال عندها طفل وحامل بالثاني كما أخبرتكم
مع العلم إنه قبل إسبوعين جا لبيت أهلي وقال أبوي إنشاء الله يصحح غلطه ومن يوم ما قعد وهو كل شوي يقول جيت عشان بنتي ......... وأبوي يقول أشرب الأقهوه أول الله يحييك وهو قاعد يتكلم على أختي وإنها طلعت من البيت بدون إذنه ونادت أهلي ما قالت له لأنه كان بالدوام ويقول مثل ما أخذتوها جيبوها يحسّب بنات الناس لعبه (مسكين والله)
والصراحه قبل ما يروح دوامه صحّاها من النوم وقال قومي غسلي الدم تراك تنزفين وأختي حسبت إنه بيستنى أو بيخاف وراح دوامه ولا قدّر ولا شي وأختي قايله لي إنه يوم طقها والله إني أصيح من الألم وهو يطالع بإستهتار
وهذا كان سبب في زعلها وروحتها لأهلي اليوم الثاني بمعنى إنه لو قدّر وتأسف كان ما راحت ولا تكلمت لأنها مو أول مره يسويها بس السنه هذي زودها وبصراحه أنا مقهوره منه مع إني أهاوش أختي عشان تحاول تغير رايها وأنا في داخلي قاعده أقول والله إنه موقد هالزواج وها الحياه بس نصيب والحمد لله على كل حال وأوقات أسولف مع نفسي وأقول إن شاء الله يكون له درس ويتعدل لأنه الحين أكيد متبهذل وقاعد بروحه والوالده راحت عند بناتها وتركته بحجة إنها تقول ما أقدر عليه في البيت مع إنه بعد جيته الأخيره الظاهر ما في أمل إنه يتعدل
ومو كذا وبس إلا يطلّع عليها كلام قدام أهله وقدام أهلي عشان يتحجج عن ضربه لها
وشي منه حصل وزاد عليه بطريقته وشي تحلف أختي ما صار لاكن ما نقول إلا حسبي الله ونعم الوكيل ولو أقول لكم على ا لأسباب يمكن تستحقرونه زياده لأنه مع غيره من الرجال الفاهمين للحياه يقدّرون ويساعدون لوحده حامل ومتوحّمه
يعني أخلاقه الله المستعان ويكذب وأغلب الكلام إلي وصلني من أخته ما قلته لأختي لأنها تعبانه حيل منه وما ودي أكرهها فيه زياده بحجة الإصلاح بينهم
والله ولي التوفيق

أنا بصراحة اتفق مع الأخ (مجاهد ) لأنه هالنوعية من الناس فعلا يبالهم رجل يكون حازم معاهم .. ولا ترجع الا في بيت مستقل حتى لو كان هو وحيد أمه .. ولازم يفهم انه اختج زوجة وام لعياله مب خدامة مثل ما يقول وترى يا اختي الكلام احيانا يجرح اكثر من الضرب
وأرد أقول لالالالالالالالاترجع الا اذا قبل بشروطها

الله يوفقكم أجمعين والله كلامكم عين العقل وأنا معاكم فيه
وللرد على الأخت hanan-aجزاها الله خير عندما سألت هل يصلي أجيب عن كلامهاانه يصلي مثل شباب هالأيام مره بالبيت ومره بالمسجدوأشكر الأخ صريح جداااا عندما اقترح ان أختي ما تطالبه ببيت مستقل الحين (حتى نظرا لظروفه الماديه) مع ان الوالده وأختي مصرين على كذا وأنا ضدهم( بس بيني وبينكم اللي يده بالماي مو مثل اللي يده بالنار )وكل ما قلت لها صبري والله بيخلف عليك قالت إنت على الأقل عندك بيت مستقل إذا جاتك مشاكل تقدرين تصكرين على نفسك دارك أما أنا وياي بنفس البيت
والمشكله الحقيقه تتضح إنه يسوي الحركات هذي لمن الوالده تكون موجوده بالبيت
ولمن تروح يوم ولا يومين لبناتها يرجع طبيعي ولاحظت من كلام أختي ان المسأله مسألة خوف من أمه يعني يبي يبين رجولته قدامها لأن أختي ما ترد عليه لمن تكون الوالده موجوده ولا تتكلم وهويدزها بيده أو يستفزها من باب السخريه قدام أمه ووحده من خواته بس أما الباقيات زي العسل الظاهر انه هي السبب الحقيقي لأنه بعد ما يزورها أو الأم تروح لها يرجعون بشكل ثاني وشايلين على أختي حيل
وهذي الأخت من يوم ما تزوجت أختي وهي تدز كلامات تجرح والله كللللللللللها غييييييييييييره لا أرى لها غير كذا يوم شافت أخوها يحب مرته؟؟؟؟؟
لا كن ما أقول إ لا حسبي الله ونعم الوكيل
وأشكر الأخت مهره على اقتراحها لاكن يا حبيبتي صعبه لأنها بتزيد الطين بله وعاد أهو مو رجال حازم ويقول انا خلاص بعيش حياتي واريح نفسي وزوجتي واسكن بروحي
لأنه لا يشوف أمه وأخته بيحطون له دمعتين راح يقلب 180 درجه
مع ان اختى يوم كلّمتها تقول لي انا مستعده اسكن في اي مكان حتى لو شقه صغيره ويقسّمها بالنص بس آخذ راحتي انا وياه ولمن يحصل خلاف نكون بس احنا بروحنا علشان ما يتفاعل زياده
وأشكر كل من دخل موضوعي وأضاع جزء من وقته في سبيل مشاركتي لإيجاد حل
والله ولي التوفيق

بصراحه اختك غلطانه لأنها استحملته من البدايه



يعني معقوله يقولها تزوجتك تخدمين امي وتسكت؟؟



خلاص هو صارحها بسبب زواجه لها يبغاها خادمه بالمجان ..... ليش تجيب منه اولاد؟!!!



فعلا اختك غلطت في حق نفسها كثير لما استحملت انسان بليد ومايحترم كرامتها كزوجه وحان الوقت لتصحيح هذا الخطأ