هذا يندرج تحت بند طاعة الزوجة لزوجها في غير معصية الله و في الأمور التي تحقق المصلحة و تركها فيه ضرر و من ضمن هذه الأمور الخروج بدون أذن الزوج ، فيا أخي الفاضل حاول أن تصلح زوجتك بشتي الطرق طبعا ستبدأ باللين ثم اللين ثم اللين ثم الشدة و الهجر ثم تحكيم الأهل و في النهاية التهديد بالطلاق و أخيرا الطلاق ، لأن عدم الطاعة في الحق و في الأمور الضرورية شيء تستحيل معه العشرة .

مشكلة عدم النقاش هي الأساس
لأني أعاني من هذي المسأله بعد
برأيي أنك تشوف المكان المناسب اللي ترتاح فيه زوجتك وتكون منطلقه فيه في الكلام واتروح له
يعني مثلا في مطعم أوعلى الكورنيش أو ............
واذا رحتون تفتح انت باب الحوار بهدوء وسياسه ما تذكر لها الأشياء اللي ماتعجبك فيها بس وانما تبدأ بذكر الأشياء اللي تعجبك فيها وبعدين اتسلمها طرف الحديث واتخليها اتقول الايجابيات اللي فيك واذا خلصت من كلامها اتقول لها وانت مازح : طيب وايش هي سلبياتي ؟
واتصر عليها اتقولك اذا مارضت واتطمنها انك مو رايح تزعل منها وان كل شخص عنده سلبيات وايجابيات
وطبعا كل هذا ما يكون من قبيل التعداد وانما يكون فيه حوار ونقاش حضاري يعزز الايجابيات ويوجد حل للسلبيات
وبعدين يجي دورك في ذكر سلبياتها بطريقه ما تكون جارحه لها
واتفهمها انك ماتبيها اتنام عند أهلها مو عشان انك بتحرمها أو بتباعدها عن أهلها وانما لأنك اتحبها وتشتاق لها وما تقدر تستغني عنها واذا ودها اتروح اليوم اللي بعده ( بعد الليله اللي تنام فيها عندهم ) من الصباح فانك مستعد اتوديها مع جملة " ولا يصير خاطرش الا طيب " " انت تامرين بس "
واتفهمها انك ماتبيها اتروح السوق مع أختها وزوجها لأنك اتغار عليها من نسمة الهوا وانك بعد ما تبي أن أحد يستثقلها سواء أختها أو زوج أختها لأنهم يمكن يبون يطلعون بوحدهم علشان ياخذون راحتهم مع بعض وانك على اتم الاستعداد انك اتوديها السوق في الوقت اللي تبيه
ويظهر ان أهلها معاها في تصرفاتها فكذا هي مو حاسه انها مسويه شئ غلط والا كان أهلها قالوا لها فبدل ما كل مره اتغصبها انها تطلع بالقوه من بيتهم أقعد مع أهلها وفهمهم الوضع والأم تعرف كيف تنصح بنتها وهي راح تسمع كلامها خصوصا لأنها متعلقه فيها كما هو واضح
وعندي كلمه أخيره
أن مو كل زوج ينفذ لزوجته اللي تبيه يصير ضعيف شخصيه هذا مو كلام !!

__________________
خالطوا الناس مخالطة ؛؛ ان متم بكوا عليكم ... وان غبتم حنوا اليكم

معاك حق ..

الحل الزواج من ثانية ورايح تشوفها ما رايح تروح عند اهلها مرة اخرى ....................

ياعالم إنتوا تخربوا بيوت كذة
ويش يتزوج ثانية ..؟؟

وينكم عن أقوال الرسول صلى الله عليه و سلم ..؟؟

وين حكمة الرجال ..؟؟

أخوي ..

تعامل بالحكمة و الموعظة الحسنة ..

نصيحة لكل اللي عايز يجوز ، احذر من الزواج من البنت التي لا تستطيع ان تتفاهم معها و تفهم كيف تفكر و كيف تزن الامور ، البنت ليست جسم و فقط بل الاهم هو عقلها فاذا غاب الفهم غاب كل شيء . احذر من الزواج من الفتاة التي لا تريد ان تفهم و لا تقبل سلطان احد ، احذر من الفتاة التي ترفض امها سلطان ابوها فكما رفضت امها سلطان ابوها سترفض الفتاة سلطان زوجها ، احذر من الفتاة التي تربط رضاها عنك بطاعتك لها ، احذر من الفتاة التي لا يحب اهلها ان يعترفوا بخطأها .
نصيحة لكل الشباب المقدم علي الزواج ، كل شيء في الحياة ممكن ان يعوض الا الانسان يصعب تعويضة ، فالمال هو رزق و رزق الانسان مكتوب له قبل ان يولد و المصائب ايضا مقدرة من قبل ان يخلق الله الخلق فلا سبيل من الهرب منها ، اذا فلماذا تتغاضي ايها الشاب عن عيوب انت تراها بعينيك ؟

لو ما لقيت لها سبب انها تنام عند اهلها فاقول زوجتك من جد مالها داعي تتزوج من الاصل ..وشو له تنام عندهم مالها بيت؟؟ بصراحه لوافعلا مالها اي سبب ومقنع مالها اي حق الا لو انت مجننها والا مهبل فيها شي ثاااااااااااني عاد ..اسالها وناقشها ولو ما لقيت شي مقنع عليك فيها ..

انت مكبر الموضوع !!!

ذكرتني ببداية زواجي !!!!!!!!!!
ياخوي ترى البنت اول ماتتزوج تظل متعلقه باهلها وشكل زوجتك ماعندها عيال
او عندها بس توهم صغار واعتقد انها عايشه ببيت هلك يعني مو بيت مستقل
في هالفتره تظل البنت متعقله باهلها بس مع مرور السنوات بتتمسك في بيت زوجها
وبتنسى اهلها وانت بهالحركات تخليها تحس انك منعتها من اهلها .......حكرتها ...!!
ترى البنت تحب لمة امها ..... خواتها ...!! تحس انها ردت صغيره..........
انت باسلوبك عطها الامان وخلها تنام ........ مافيها شي ........!!
يعني اليوم هذا اللي نامته كنت بتسوي لها شي !! أو كنت محتاجها وهي حرمتك !!!
مافيها شي لو انت حبيت تسهر وخليتها تنام بيت اهلها .... ولا المساله مسالة عناد!!!

وعلى فكره وانا ببداية زواجي كنت عايشه معاه في بيت هله وكنت صغيره وكنت
امووووووت من السعاده لما انام بيت هلي !!!! توحشني لمة خواتي .... قعدتنا ....
سوالفنا اللي ماتخلص ..... لاني ماشوفهم الا باسبوع واحيانا اكثر ... !!
لان نوعية زوجي مثلك وكنت عايشه في بيت هله
يعني هو برى البيت وانا محبوسه بغرفتي!!!
شبيصير لو خلاني انام في بيت هلي مو ابرك !!!
واتذكر ان مره اخووي لما شكيت له انه مايحب يخليني ابات قالي:
انا اقول لزوجتي روحي نامي بيت هلج فكيني منج ومو راضيه !!!!!!!!!!!!!!
ويا أخي لاتستعجل على رزقك بيجيك الوقت اللي انت بتقول لزوجتك:
ليش ماتنامين في بيت هلج !!!!!!!!
واللحين انا لما كبروا عيالي وارتبطت بمدارسهم صارت امي تلح علي انام وانا ارفض !!
وصرت ارفض انام باي بيت سواء اخواني او هلي غير بيتي مارتاح ......!!
احس بقلق ....... واحس ان في شي غلط .........وماني مرتاحه ......... !!
رغم اني مو سعيده مع زوجي !!!!!!!!!!!!
بس احس بيتي مع مرور السنوات وبوجود اطفالي صار مملكتي وعالمي الخاص
ومارتاح الا فيه !!

اما موضوع خروجها بدون اذنك فهذي معاك حق .... !! وهي غلطانه !!!!
ولازم تحل هالموضوع ..
والحمدلله دام زوجتك عرفت غلطها في خروجها بدون علمك
اما مسالة النوم في بيت اهلها ياريت تخف عليها والمسالة مسالة وقت ......!
والله الموفق

[B]أنا اقول انك تقولها روحي لا اهلك ونامي الين تشبعين ولا تعطيها اي اهتماام..


يعني كما قال المثل (( دوايها بالتي هي الداؤ)

لكن هذا يتطلب منك صبر لاان الموضوع راح ياخذ وقت....




وملااحظه....صراحها ان كانت تحبك او ..لا....لاان شكلها غير منسجمه معك...



وشكرا...