ليش معطية الموضوع اكبر من حجمه؟؟ ولا تخافي مارح يحصل فيها لا تقبيل ولا احضان يمكن اذا مره زودها بيسلم عليكي زي لما تسلمي على اخوانك صدقيني واسالي مجرب طالما انها مازالت الزياره الاولى صدقيني مارح يخرج عن النطاق هذا..
بالنسبة للجلوس لا تجلسي جمبه اجلسي في الكنبة المقابله له يعني باختصار اجلسي في مكان يقدر يشوفك كويس بس بنفس الوقت ما يقدر يلمسك بسهوله..واكرر واقولك لا تخاااافي مارح يلمسك انتم لسه بالزياره الاولى..ونصيحه مني ليكي لا تخلي الوالد يجلس معاكم طول الوقت يعني خليه يروح ويجي عليكم لسببين الاول حتى لا يتضايق زوجك والثاني وهو الاهم انه لازم تعطي فرصه لنفسك ولزوجك انكم تعرفو بعض عن قرب من دون تصنّع او مجاملات واللي طبيعي راح تكون موجوده بحضور الوالد.
وللملابس البسي زي لما ترروحي عند قريباتك وانتي عارفه انه رح يكون عندهم عزيمه صغيييره اختاري الوان حلوه متفائلة وابعدي عن الغوامق وما يمنع تفردي شعرك وتحطي شوية ميك اب لانه هذا زوجك ومن حقه يشوفك حلوه
اما الصوره انا ما اشوف فيها شي انك تعطيه صورة لكي عاديه ما تكون مغرية ولا كمان محجبة وترى زوجك بيكون احرص الناس عليها..

الهديه لا تجيبي لانه مو المفروض انتي تهدي اول اعطيه فرصه شوفي هو وضعه كيف بس ممكن تعملي زي ما قالو الاخوان كيك او تطبخي العشا بنفسك وتخليه يعرف انه انتي عملتي هذا الاكل عشانه هو وافضّل انك تساليه ايش يحب انواع من الاكل وحاولي تعملي بعض منها..


بالتوفيق يا عسل ولا تخاااااااااااافي