الاخ ثريول أشكرك على مرورك في الموضوع.. أنا لا أكذب عليك ان هذه العلاقه غلط.. أنا كنت اسبب أي مشكله بس عشان
اقوله نفترق لان فكرت انه كل شى غلط و العلاقه غلط.. بس كان يقولي ان عشره عمر هذى العلاقه لا سنه ولا سنتين
عشان نبعد هذه عشرت عمر.. بس وكنت اسكت الى ان صارت 7 سنوات وما نقدر على هذا الشيئ الحين..وموضوع
الزواج انا لم افكر فيه حتى.. هو الى ايقولي وهو الي يحسب السنوات وكم بقى من الوقت لنتزوج..ومخطط لكل شيئ
لكن بقى على دراسته سنه ونصف ليتخرج واهلي مايرضون اتزوج بشخص ما خلص دراسه.. ولا اقدر اصبر سنه ونصف من دون ان اكلمه..

رازان... اشكرك على الرد.. انا ماكنت اغلط بالمعني القوي بس كانت اشياء بسيطه الي ان تراكمت وصار الي صار
وانا اول مره اشوفه كذا تغير انا ادرى انه قلبه طيييييييييييييييب كثثيير بس لما كلمني وقال الي قاله
حسييييته انه كان يقسي قلبه علي.. وكان يكلمني بالقائق عشان ما يحن قلبه ويعطف علي كثيير.. الي درجت انه اخر يوم
قبل لا يسافر اتصل وكلمني قبل لا يسكر السماعه بكى وقال راح افتقدك وسكر.. من بعدها قسي زياده ولا ادري شسوي


سلطان.. شكرا علي الرد.. انا واثقه فيه اكثر من نفسي.. وانا ادري انه يبيني زوجه بدون لا اختبر.. انا اعرف
عائلته وهو بعد يعرف.. واعرف كل صغيره وكبيره.. هو طلب مني انه نفترق خاف علي قالي انتي من احسن العوايل
ومابي اي احد يمسج بسوء حتى من نفسى خايف عليك.. وانا ما ابي تصير مشكله بينا ونفترق للابد.. انا ابيك زوجه
وبس ومابي اغلط معاكي لان ماراح القي مثلج


طنبرجي.. علاقتي معه عمري ما اعتبرتها علاقه تافه وغير جاده الا في اول ايامها.. علاقتنا فيها كل الشروط الي
قلتها لي.. وعلاقتي مو بس هاتف اذا كان في البلد اشوفه يوميا جدام الناس كلها بس بدون ان اي احد يغلط ..
و الفرق بين علاقتي وعلاقتك هي السنوات تفرق اذا انا كنت متعلق فيها في الثلاث سنوات.. انا تعلقت فيه اكثر بمرتين


البتول شكرا على المرور..انا احاول اني لقاسي على نفسي وقلبي لكنى ضعيفه وعاجزه عن الاستسلام وتركه

مع تاييدي الكامل لما قاله الاخ ثريول والأخت البتول،فأنا أكبر منك واخبر منك في الحياة، واعرف تجارب مثل تجربتك واقسى وأمر.

فلذلك تقبلي مني النصيحة مع قساوتها:

اذا تحبينه فحققي له ما يطلبه من عدم اتصال وذكري نفسك كل يوم وكل دقيقة انك قاعدة تحققين طلب اغلى الناس عندك، وانه راح ينجح بدراسته لانك ساعدتيه بذلك، وافرحي واضحكي كل يوم بهالشي، وعودي نفسك على البعد شوي شوي حتى يكون الاتصال بالاسبوع مرة أو بالشهر مرة الى ان تتعودي على ذلك وهو شي سهل جدا بس يبي له تصبرين أول أسبوعين وهذا من تجربه، مع اني لا أؤيد اصلا علاقة مثل هذا النوع بس الشكوى لله البنت رايحه فيها لازم ما نطلب منها شي مستحيل بالنسبة لها.

واذا انتهت سنة ونصف بيجي يخطبك ويتزوجك. صراحة حبيبك هذا رجال كفو من يزوجه، لانه ما يبي العلاقة الا بالحلال، يا اختي المفروض تبوسين ايدك على مثله وتتحملين شوي لين الله يكتب اللي فيه الخير.بس تصدقين انا اعرف ناس وايد يكلمون بنات ورسايل وهدايا ويواعدونهن بالزواج ويكذبون عليهن ويقولون اموت فيج وايد وهو نصاب كذاب بس يبي يقضي وقته ويتسلى فيها وما يهمه لو هي اتعلقت فيه، ويمكن هو يبغى منها شي ثاني وبس،ويخدعها بالكلام المعسول المصفف، ثم يرميها.

نصيحة: أرضي حبيبك الأول والأخير قبل اي حبيب وهو الله، وفضليه على أي حبيب واقطعي اي اتصال محرم مع أي حبيب كان.
فكري في هذا الحديث اللي باقوله وايد وايد
يقول النبي محمد صلى الله عليه وسلم فيما معناه أن من اسخط الله في رضى الناس سخط الله عليه واسخط عليه الناس، ومن أرضى الله في سخط الناس رضي الله عنه وارضى عنه الناس.
اذا تبغين رضى رفيجج ارضي ربك واقطعي الاتصالات وبتشوفين الحبيب راضي عنج.
اعذريني حاولت اتكلم معاك بلهجتكم يا أخوانا الكويتيين، ويمكن ما أفلحت فسامحيني.