الأخت crazy_about_him أنا الأب مش الأم .. عموما بنتي نعطيها حنان 24 ساعه والحمدلله . وماقصرنا معها بأي شيء. لدرجة إني أنا دايماً أنزل لمستواها وألعبها وأضحكها. بس مسألة الخوف هي كانت أول تخاف من عرايس عندها والحين عادي تمسكها وتلعب معها. هي أكثر شي تخاف من الأصوات. أحياناً نسمع صوت ولد جيراننا الصغير يصوت من بيتهم وأقول لبنتي صوتي له يالله بعدين تصوت أول مره بعدين ألاحظ على عيونها الخوف بعدين تعض أصابعها وتقول (خوافه أنتي) .. أقول لها لا لا حلو الدادا .. يالله صوتي .. بس تستمر في خوفها وأغير الموضوع على طول. عموماً شكراً على الرد

اEng_Eman شكراً على ردك وأنا مثل ماقلت الألعاب حالياً نداراً ماتخاف منها وأكثر شيء لما تسمع صوت .. أحس انه يكبر في خيالها الصوت ويخليها تخاف. أما بالنسبه للسبب فعلاً لازم ندور عليه ... وإذا عرف السبب بطل العجب. بنتي والحمدلله تتحسن أكثر وأكثر مع مرور الوقت. على سبيل المثال أول كانت تبكي لما أحد من زملائي يجي يبوسها والا يمسكها. والحين عادي الحمدلله. وأنا أطلعها للسوبر ماركت كثير وحتى في حوش البيت وأحاول أخليها تتعرف على الأشياء أكثر. والله حتى النمله أجلس وقت طوييييييييييييييل مع بنتي علشان ألاحظ كيف تتصرف لما تشوف شي غريب. ولاحظت انها تحاول تتعرف على النمل كيف يمشي وخصوصا لما تركز على حركات النمله . بعض الحشرات تخاف منها زي الذباب مثلاً. لما يوقّع عليها تبكي وترتجف. حاولت أهديها وأفهمها انه مجرد ذباب ويخاف منها. وأسوي حركات تبين ان الذباب حشره عاديه وممكن طرده بمجرد حركت اليد وأحس الحين أحسن من أول. عموماً شكراً على ردك