بالنسبة لخواتي اللي يقولون اني غيرتي شديدة باقول لكم موقف و انتم احكموا
مرة جالسة معاه في كوفي شوب و اخذت لي وياه ركن عشان يصير عندنا شوية خصوصية ,,,, فجأة جت وحدة وجلست بالجلسة اللي جنبنا على طول هي و خوياتها مع ان الكوفي شوب كبير مرة و فاضي مافيه احد ,,,, مو بس كذا قامت اختنا في الله و شالت الطرحة و فصخت العباية (الكاب) و جلست بمكان بحيث اني انا ما اشوفها و تصير هي مقابلته على طول و طبعاً الشعر ما يحتاج مسشورته و بنطلون ضيق و عطر تفوح ريحته من كيلو و حركات مياعة و قلة حياء ,,,, زوجي جالس يناظرها و عينه شوي و تطلع من راسه و انا قاعدة اطالع فيه و انا احترق من جوة و الله ما اكذب عليكم اني بغيت امسك اي شي اكفخه فيه بس قلبي ما طاوعني لاني احبه و ما ابغى أئذيه
بالله عليكم قولوا لي اي وحدة فيكم بتمر بهالموقف وش بتسوي ,,, تلوموني يوم اغير و احترق