اخي abdullay2002


اخي لو سمحت بوضح لك شي تراني ما كنت مهمله زوجي ابدا ولا من النوع الي اتمنع او انفر منه بالعكس , كنت اتمنى له

الرضا يرضى , دائما ادور على افكار جديده , سوالف جديده , وحتى اذا بيطلع مع اصحابه لازم احضر لهم وجبه خفيفه

احاول ارضيه بكل الطرق , وحتى هو دائما يستغرب من شكاوي اصحابه ومن نكد زوجاتهم , تعرف انه يمر علينا بالسنه

كامله بدون اي نقاش حاد , الا اذا كان نقاش عادي وينحل , لاني مش من النوع النكدي , عشان كذا انه فكرت قلت يمكن

هو خلاص مرتاح معاي , فما يريد يبذل اي مجهود معي , هو عارف ومتاكد اني احبه فليش يتعب نفسه , يطلع مع

اصحابه ويجيني اخر الليل يحصلني سهرانه علشان خاطره , ومتزينه له كاني عروس , ومستحيل اقول ليش تاخرت ولا

ليش تتركني , بس اذا تعبت اعاتبه وابين له اني محتاجه لوجوده معاي , بس هو لا حياه لمن تنادي .


والانترنت فعلا ابعدني عنه نفسيا , مع اني في وجوده ماافتحه ابد واكرس نفسي له وفعلا انسى الي كنت اكلمه

بس من يطلع من البيت , حتى اركض ركض للرجل الاخر عشان يحسسني بانوثتي , وبانه لي قيمه واهميه , تعرفون

وربي اعرف انه يخدعني وانه ما يسوي كذا الا لغرض في نفسه , عشان كذا مااعطيته رقمي ولا اي شي , يعني

كنت حاسباتها اني انا اخذ منه الكلام الحلو الي انا اتوق له , وهو يمني نفسه بالحصول علي مع انه عمره ما قال لي

اريد اقابلك او شي انا اعرف انه يرسم على ثقيل , وهذي هي الطامه الكبرى , اني عارفه وفاهمه , بس مستمره

وعلى فكره هذا الشخص مثقف بدرجه كبيره جدا حافظ اغلب الاشعار , مطلع ثقافيا بدرجه كبيره , يعني اغلب نقاشاتنا

تبتعد عن الغزل , بس هو فعلا يعرف متى يتغزل فيني وفي اي لحظه ومتى وتاثر فيني بدرجه احس نفسي في عالم اخر


هذا الي حبيت اوضحه لكم .