السلام عليكم اخوي.. اولا حبيت اقول لك انك ابدا من وجهة نظري ما تسرعت في تقبيل زوجتك.. فهي من اللحظة اللي انت عقدت فيها عليها صارت حليلتك.. وبالعكس هذا يعطي المرأة شعور جيد بان زوجها مقبل عليها وانه معجب فيها ويمكن يحسسها بأحاسيس ثانية بعد احلى.. بس نصيحتي لك لا تتعجل في المواضيع الثانية..
اما النقطة الثانية.. عن ان ام زوجتك طنشت امك, فنصيحتي لك بان في سوالف الناس لا تدخل فيها حياتك مع زوجتك النسوان على طول جذي,, ما يقدرون ما يقولون إلا فلانة ما عطتني وجه وإلا فلانة تقصدتني في جذي.. إذا بتحط بالك في هالمواضيع ما بترتاح.. اهم شي علاقتك بزوجتك واهلها تكون طيبة..
وآخر شي اقوله لك انه في ايام تجهيزات الخطبة واثناء حفلات الخطوبة تصير واجد من الحركات الغير مقصودة نتيجة الضغط النفسي وتعب التجهيزات.. فلا تاخذ عن احد اي فكرة اثناء هالاجواء..
ويا رب اني اكون افدتك اخوي..