المشاركة الأصلية كتبت بواسطة قزاز

تقدر الحياة الزوجية ونفسية زوجها ماهوب راعية طلبات وعلة يعني اذا شافتني داخلن البيت مهموم ماهوب تبلشني جب ود تضحي باشياء كثير لين الله يفرجها وتبشر بالي يسرها.

6-ان تكون مرحة وودودة وتهتم بنظافتها ونظافة البيت وعيالها بالمستقبل ماهوب تجلس بجنبي ريحتها ريحة بصل والا كشنة يعني تهتملي شوي وتلبس عندي ازين ثيابها وتخليني كل يوم احس انها ازين من اليوم الي قبله ( الله يطول بعمرك ياامي لها اثنعش سنه ماغيرت ثوبها ولا تفتش وجهها قدام ابوي الاقليل دايما تلبس برقع )

7-وابيها ماتستحي مني ابد يعني تعتبرني زوجها وابوها وامها واخوها وكل الناس يعني بالعربي ابي احس ان زوجتي تشعر وهي بجانبي بكل صفات الانوثة والحاجة للرجل وتحسسني برجولتي وقوامتي على النساء ...مابي حرمة خشنة علة وعوووبة لسانها يلوط اذانها تناظر فيك تقل تبي تذبحك .

8-صحيح ان كل امراة فيها عناد وكيد وعوابة لكن اسال الله ان يرزقني بوحده يكون عنادها وكيدها قليل .




11-لازم تكون مثقفة وفاهمه كل شي بالزواج من الالف الى الياء ماتصير خبله وبعدين ابي وحده لسانها متعود على الكلام الطيب سواء بالرضا او الغضب وايضا اذا اخطأو اولادي تعاملهم بلباقه وكلام زين مثل الله يهديك والله يصلحك ...ماهوب تصير قشراء كل كلامها على عيالها تلعين ودعاوي .