السلام عليكم اختي
الفحص الطبي مهم جدا وهو انك تروحين مستشفى حكومي وتسوين فحص دم للأمراض الوراثية
ياخذون منك القلييل من الدم
وعندنا في السعودية الأمراض اللي يفحصونها هي: الثلاسيميا - السكلسل (فقر الدم المنجلي)
وأيضا المتقدم لخطبتك يعمل نفس الفحص في المستشفى
اهم شي ماتكونون حاملين لنفس المرض او مصابين فيه
والمستشفى يشوف في توافق بينكم او لا
تطلع نتيجة الفحص بعد اسبوع او 10 ايام بالكثير
ويعطونكم ورقة مكتوب عليها توافق او عدم توافق
في حال عدم التوافق يناقشونكم في المستشفى عن الضرر الي يصير على ذريتكم في حال انكم تزوجتو بدون توافق
وطبعا مثل ماقالوا الاخوان مايتم عقد القران الا بوجود ورقة نتيجة الفحص الطبي
سواء كانت توافق او لا بس لو كانت عدم توافق ممكن يتم العقد لكن يوضح لكم عاقد القران ضرر الزواج على اولادكم
وبالتوفيق اختي
لك تحياتي:
اختك: لحن الوفاء
التعديل الأخير تم بواسطة لحن الوفاء ; 23-05-2006 الساعة 02:15 PM
23-05-2006, 02:12 PM
ضوابط المشاركة
العرض الشجري