السلام عليكم


انا سيدة متزوجة منذ سنين ولم ارى السعادة في حياتي .. حياتي كلها تعاسة في تعاسة من تزوجت هالرجل ما ذقت طعم الراحة ..


زوجي يا ناس نكدي من النوع الممتاز يحب النكد والمشاكل يطلع المشاكل من تحت الأرض .. أنا وايد تعبانه معاه .. خلوني أدخل معاكم في مشكلتي الحالية ..

تدرون وش سوى فيني حرمني من الدراسة الجامعية وقال لي حرام عليج تدرسين او تفكرين في شي اسمه دراسة .. وقال لي اذا فكرتي في الدراسة اعتبري روحج مطلقة ..وأنا الصراحة وايد شاطرة ودرجاتي ممتازة ومستحيل اتصور عمري ما مكملة دراستي .. ترى ما عندي في هالدنيا الا الدراسة أتنفس فيها خصوصا انا محرومة من نعمة العيال والسبب منه بعد .. شلون أقنعه اني لازم اكمل الدراسة بعد ما حرمني منها هالفصل.. لأني الصراحة أفضل الموت ولا هالعيشة المره معاه ..

اختي الفاضلة اجعلي أمامكي ورقة الآن واكتبي مزايا الرجل من الإنفاق والسفر ومنصب وغيرها من المزايا واكتبي في الجهة الأخرى عيوبه
متأكد أنك ستجدين له مزايا وكثيرة
الدراسة يمكن أن تتبعي إحدى والوسائل التالية : في سكون الليل وبعد حفل مميزة ! يطلب منه
عند طريق أمه أو ابوه أو أمك أو أبوك
عن طريق أحد أصدقائه الذين يمكن أن يقتنعوا منكي ويأثروا فيه

نقل الى عالم المتزوجين

حاولي تقنعيه بالدراسه و شوفي الاسباب اللي خلته يمنعك
اذا فعلا مايتعاشر و نكدي و انتي ما اذنبتي معاه حاولي تدخلين احد يقنعه
و بصراحه المفروض التضحيه لها حدود ,فكري في المستقبل كيف راح يكون
و اعتقد الشغله نفسيه ممكن هو مايبغاك تستغنين عنه و ممكن انانيه ما ييبغاك تنشغلين بغيره
استخيري الله فيه و في موضوعك و توكلي على الله
الاولادالله يعوضك خير الصبر ثم الصبر

انا مع راي الاميرة فيونا
اختي انا حالتي تقريبا نفس حالتك لكن انا دارسه ومالقيت وظيفه وجالسه لوحدي بالبيت وانتظر الفرج"

وان شاء الله ربي يرزقك ويرزقني بالذريه عااااااااااجلا غير اجلاااا

لكن اهم شى الدعاااااااااااء والله علاج عجيب عليك فيه........
واتمنىلك حياة زوجيه سعيده
000000000000000000

+ليس هناك زواج يستمر سنين ولا يحمل بين طياته لحظات سعاده
وليس بالعناد تحل الامور حاولي اقناعه ولا تنسي ان عدم قدرته على الانجاب يجعله حساس اكتر من غيره
لا تضحي اكتر من الازم فنحن في زمن كل شيء فيه غير منطقي ويأتي بالمقلوب
والزواج الدي لا يسعد ولا يوفر الامان والسعاده والاستقرار بالاضافه لعدم وجود الاطفال هو زواج لا معنى له ولا داعي له اصلا

انا مع اختى الاميره فيونا

__________________

عزيزتي

كوني على يقين بأن الرجل كائن بصري طفولي مدلل

انتي بذكائك لازم تستغلي هالشي

لا تقولين ما اقدر

الله قال كيدهن عظيم

فلا تقولي ما اقدر

أدري ان كل قاعدة ولها شاذ

بس هالقاعدة ما فيها شذوذ

واذا كان فيها.. فشذوذ هالقاعدة ان مافيها شواذ

فيعني تقدرين.. اوكيه!!

بعدين بقول لك من واقع تجربة شخصية

أنا اذا ابي شي ومصرة عليه

وزوجي مو موافق

والله العظيم والله العظيم والله العظيم بالحيلة يلين راسه ويوافق بكل بساطة

لا بعصبية ولا بنقاشات عقيمة

وانتي وشطارتك عاد!!

هذا زوجك

المفروض تعرفي الطرق الأفضل لهالشي

بعدين مو زين تقولين عنه جذيه

اذا هو شد .. انتي رخّي

يعني اذا عصّب أو افتعل مشكلة

لا تناقشينه عشان لا تتفاقم

خليه يطلع اللي بجبده كله

بعدين لما يروق يصير خير

ولا تحطين في بالك كل شي يقوله

أدري ان احنا البنات حساسات

بس على الأقل تعلمي شلون تتغاضين وتطنشين

ولا تقولين لي كرامتي وكرامتي

ترى بيني وبينج

اذا دخلتي بيت زوجك وقفي كرامتك على الباب لحد ما انتي تطلعين لها

لا تدخلين معاها

ما راح تستفيدين منها

وكل الرجال لهم مفاتيح

بس عاد كل وحدة لازم تعرف شنهو مفتاح زوجها

وكل شي تقدرين تسيرينه مثل ما تبين بس بالحب والاحترام طبعا

وبدون تعدّي على الطرف الآخر

وان شالله الكرامات تبقى محفوظة


... باااااااااااااااال .. شكتبت!!

ما ادري شخربطت لك

لووووول

ان شالله كلام مفهوم ويوصل بطريقة سليمة

ومحد يفهمه غلط

تحياتي لكم..
أم عبادي

__________________
مو ألحين

انتظروه

كل رجل له بيد زوجته مفتاح فتشي على هذا المفتاح وادخلي في اعماقه ، الرجل طفل والله طفل ، والست الذكية تعرف كيف توصل الى كنه هذا الطفل الكبير
بالتأني والصبر تحققي كل ماتريدين ، ومافي انسان الا فيه نزعة الخير ونزعة الشر ، اختاري الوقت المناسب وتكلمي معه بهدوء
ومتل ما نصحك الاخ القويع الله يجزيه كل خير حضري ورقة وقلم واكتبي ايجابيات زوجك وسلبياته بصدق وكوني صادقة مع نفسك ومع ربك
وبعدها بتشوفي اي جانب بغلب على الاخر
ربنا يوفقك